2011 jylǵy 27 tamyz, Astana, Úkimet Úıi
«Qazaqstan Respýblıkasynyń densaýlyq saqtaý uıymdary jelisiniń memlekettik normatıvin bekitý týraly» Qazaqstan Respýblıkasy Úkimetiniń 2009 jylǵy 15 jeltoqsandaǵy № 2131 qaýlysyna ózgeris engizý týraly
Qazaqstan Respýblıkasynyń Úkimeti qaýly etedi:
1. «Qazaqstan Respýblıkasynyń densaýlyq saqtaý uıymdary jelisiniń memlekettik normatıvin bekitý týraly» Qazaqstan Respýblıkasy Úkimetiniń 2009 jylǵy 15 jeltoqsandaǵy № 2131 qaýlysyna (Qazaqstan Respýblıkasynyń PÚAJ-y, 2009 j., №59, 525-qujat) mynadaı ózgeris engizilsin:
kórsetilgen qaýlymen bekitilgen Qazaqstan Respýblıkasynyń densaýlyq saqtaý uıymdary jelisiniń memlekettik normatıvinde:
8-tarmaqtyń 2) tarmaqshasy mynadaı redaksııada jazylsyn:
«2) patologııalyq-anatomııalyq bıýro derbes zańdy tulǵa retinde nemese ortalyqtandyrylǵan patologııalyq-anatomııalyq bólimshe retinde oblystyq deńgeıde, respýblıkalyq mańyzy bar qalada, astanada jáne halqynyń sany 300000-nan (úsh júz myń) astam adam bolatyn qalalarda stasıonarlyq kómek kórsetetin uıymnyń qurylymdyq bólimshesi retinde qurylady.
Aýdandyq deńgeıde ortalyqtandyrylǵan patologııalyq-anatomııalyq bólimshe stasıonarlyq kómek kórsetetin uıymnyń qurylymdyq bólimshesi retinde qurylady.».
2. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.