Is-sharaǵa Qazaqstandaǵy Ýkraına isteri boıynsha ýaqytsha senimdi ókili V.Djıdjora, Ýkraına SО́P vıse-prezıdenti S.Svıstel, QR-ǵy Ýkraına Elshiliginiń baspasóz hatshysy I.Blashýk qatysty.
Jıyn barysynda Qazaqstandaǵy Ýkraına isteri boıynsha ýaqytsha senimdi ókili V.Djıdjora eki eldiń kóp ǵasyrlyq tarıhy, dostyǵy, ózara túsinistigi negizinde týyndaǵanyn jetkizdi.
– Qazaqstan men Ýkraına arasyndaǵy baıandy baılanystar jyl saıyn qarqyndy túrde qaryshtap keledi. Oǵan eki jaqtyń da tıgizer áseri mol. Ekonomıkalyq, saýda, rýhanı baılanys tóńireginde jasalynǵan túrli sharalar sonyń aıqyn dáleli deýge bolady. Men eki eldiń dostyq dáýiri jalǵasa beretinine senimdimin, - dedi V.Djıdjora.
Baspasóz konferensııa barysynda EKSPO-2017 Halyqaralyq mamandandyrylǵan kórmesindegi Ýkraına ulttyq seksııasy komıssarynyń orynbasary S.Svıstıl EKSPO-2017 halyqaralyq kórmesiniń mańyzyn atap ótti.
– EKSPO-2017 – bul ýkraındyq energııalyq kompanııalaryna búkil álemge ýkraınada jańartylǵan energetıkanyń aıtarlyqtaı perspektıvalyq damýy týraly málimdeýge múmkindik beretin biregeı is-shara. О́zara tıimdi baılanys jasaý alańy, - dedi S.Svıstıl.
Esterińizge salamyz, osy jyly Ýkraına men Qazaqstan arasyndaǵy dıplomatııalyq qatynastar ornatylǵanyna 25 jyl tolady.
Raýan QAIDAR, "Egemen Qazaqstan"