Jaǵymdy áser beretin fılmder

Chaplın Sınema (Mega Sılk Ýeı) kınoteatrynda usynylǵan «Oralman» jáne «Biz» fılmderi rejısserleriniń qatysýymen ótken baspasóz máslıhatyn qazaq­standyq tanymal rejısser Ermek Shynarbaev júrgizdi. Mode­rator «Oralman» kartınasy týra­ly: «Qazaqtardyń qazirgi ómi­rin­degi eń qıyn prob­lemalardy ashyq jetkizgen qazaq­tyń birin­shi kartınasy. Bul – óte tańqalar­lyq jaǵdaı. Aıta keter­ligi, keı­bir rejısserler kartına plas­tı­kasyna asa mán bere qoımaıdy. Al sýretshi retinde Sábıt Qurmanbek kartınany óte jaqsy kórsete bilgen», degen pikir aıtty.

Baspasóz máslıhatynda re­jıs­ser­ler ózderiniń ekrandyq týyndylary týraly oılaryn ortaǵa saldy. Alǵashqy bolyp sóz alǵan «Oral­man» fılminiń rejısseri Sábıt Qurmanbek eki fılm arasyn­daǵy uqsastyq týraly bylaı dedi: «Eń qyzyǵy, meniń kartınam men ıspan­dyq fılmniń arasynda kópte­gen uqsastyqty kezdestirýge bola­dy. Nege deısiz be? Sebebi, «Oral­man» jáne «Biz» kartınalary adam­­ǵa jaǵymdy áser bere ala­dy. О́z keıip­ker­leriniń óte qıyn jaǵ­daıyn sýret­tep qana qoı­maı, máseleniń mánin ashýǵa tyrysady».

«Biz» fılmi týraly prodıýser Tasıo Ovejero: «Bul týyndyda biz jas býyndy kórsetemiz. Túsirilim Ispanııadaǵy eń mańyz­dy kún – búkilhalyqtyq saılaý kezinde oryn alady. Bul oqıǵa ómirlerinde belgili bir nárseni ózgertý kerek bolyp jáne naqty sheshim qabyldaýǵa bel býǵan bes dos jaıynda», – dep málimdedi. 

Eske sala keteıik, HIII halyq­­ara­­lyq «Eýrazııa-2017» kıno­fes­­­tıvaliniń kórsetilimi 23 shil­dede bastalǵan bolatyn. Keshe negizgi konkýrstyq baǵdarlamaǵa qatysýshy 13 kartınanyń 2-eýi kórer­menge usynyldy. Olar: «Meniń baqytty otba­sym» (Germanııa) jáne «Jalyn ortasynda» (Túrkııa) fılm­deri. Kórsetilimnen keıin kórermen­derge avtorlarmen jeke tildesip, suraq qoıýlaryna múmkindik týǵyzyldy. Sonymen birge 23 shildeden bastap qysqametrli fılmderdiń kórsetilimi de qatar ótýde. Baıqaý bes blokqa bólingen, synǵa 30 qysqametrli fılm qatystyrylyp otyr. 

Negizgi baıqaýǵa qatysýshy «Meniń baqytty otbasym» fılmi­ne kelsek, orys tili men áde­bıeti pániniń muǵalimi Manana men kúıeýi,eki erjetken balasy jáne kúıeý balasy­men birge Tbılısıde, úsh bólmeli páterde 25 jyldan beri turyp keledi. О́zi 52 jasqa tolar aldyndaǵy kúni kenetten otbasyna úıden ketetinin aıtady.

Fılm rejısseri Nana Ekvtı­mısh­vılı, 1978 jyly Tbılı­sıde týǵan. Potsdam-Babelsberg kıno mektebinde drama jáne sahnalyq is boıynsha oqyǵan. Saımon Gross­pen birlesip, «Poleır fılm» stýdııasyn qur­ǵan. Olardyń «Gúl­degende» fılmi halyqaralyq kınofestıvalderdiń 30 shaqty marapatyna ıe bolǵan. Al Saımon Gross, 1976 jyly Berlınde týǵan. Mıýnhen kınomektebinde re­jıs­sýra mamandyǵyn oqyǵan. 2014 jyly Nana Ekvtımıshvılı ekeýi­niń fılmi Grýzııadan Amerıka kıno­akademııasyna shet tilindegi eń úzdik fılm júldesine usynylǵan.  «Jalyn ortasynda» fılmin­de Hasret tús kórýden sharshaıdy. Kúnde tańerteń ol qorqynyshty tús­ten shoshyp oıanady jáne ony «Áke-sheshesi osydan jıyrma jyl buryn shynymen avtokólik apatynan qaıtys boldy ma?» degen oı mazalaı beredi.

Fılm rejısseri Djeılan Ozgıýn Ozchelık, 1980 jyly Rızede týǵan. Marmar ýnıver­sıte­tinde quqyqtaný mamandyǵy boıynsha bilim alǵan ol búginde – telearnada jazýshy-ssenarıst, radıostansada dı-djeı, tele­shoý­lardyń júrgizýshisi ári kınosynshy.

Qarshyǵa KÚLEN