О́zara qatynastar jandanady

Kezdesýde Q.Mámı eki eldiń yntymaqtastyǵyn jandandyrýǵa elshiniń tikeleı qosqan úlesin ataı kele, EKSPO-2017 kórmesiniń sheńberinde Sıngapýrdyń ulttyq kúniniń tabysty merekelenýimen quttyqtady. 

Z.Baharýdın óz kezeginde eki eldiń yntymaqtastyq deńgeıi kó­binese memlekettik qury­lym­dar­dyń ózara is-qımyldy arttyrýyna tikeleı baılanysty ekendigin atap ótti. 

Q.Mámı elshiniń Qazaqstannyń konstıtýsııalyq reformany ótkizýi týraly suraǵyna jaýap bere kelip, Prezıdenttiń mem­lekettik baǵdarlamalardy beki­tý týraly quzyretin Úkimetke be­rý, Ishki ister jáne Ádilet mı­nı­str­lerin taǵaıyndaý tetik­teriniń ózgerýi, Úkimettiń Par­la­mentke tikeleı eseptiliginiń kúsheıýi tý­raly aıtty. Sot júıe­sindegi ja­ńa­shyldyqtar boıyn­sha Ata Zańnan sýdıalyqqa kan­dı­dat­tardyń 25 jas shektelimi týraly talaptyń alynyp tastalýyna aıryqsha nazar aýdaryldy. Atalǵan qadam kandıdattardy sýdıalyqqa 30 jastan bastap taǵaıyndaý týraly mindetti jas shektelimin arttyrý jóninde «Sot júıesi men sýdıalardyń mártebesi týraly» Konstıtýsııalyq zańǵa ózgerister engizýge múmkindik berdi.

Elshi Qazaqstanda júzege asy­rylǵan konstıtýsııalyq óz­ge­ris­ter­di der kezinde qolǵa alyn­­ǵan bas­tama dep baǵalap, «Sın­ga­pýr­d­yń tájirıbesi Qazaq­stan­ǵa ǵana qy­zyq­ty emes, sony­men qatar, Sın­ga­pýr da Qazaq­stan­nyń damý tá­­ji­rıbesin mu­qııat zerdelep otyr», de­di. Z.Baharýdın myrza Asta­na­daǵy Halyqaralyq qarjy or­ta­ly­ǵynyń (AHQO) jumysyn uı­ym­dastyrýǵa belsene qatysýǵa ázir ekendigin jetkizdi.    

Osy máseleni talqylaı kele, Q.Mámı AHQO-nyń janynan ınvestısııalyq daýlardy sheshý maqsatynda arbıtraj ortalyǵy men qarjy sotyn qu­rý jumysynyń barysy týra­ly áńgimeledi. Atalǵan sot elimizdiń sot júıesine kir­meıdi, onda sot isi aǵylshyn ti­linde júrgizilip, aǵylshyn-sak­son quqyǵy qoldanylatyn bo­lady. Q.Mámı Joǵarǵy Sot AHQO-nyń eń jaqyn seriktesi bo­lyp tabylatyndyqtan, Dýbaı qar­jy jáne Sıngapýr arbıt­raj ortalyqtarynyń tájirıbesi ne­gi­zinde onyń damýyna múddeli eken­digin atap ótti. 

Kezdesý sońynda taraptar Qazaqstan men Sıngapýrdyń qu­qyq salasyndaǵy aldaǵy yn­ty­maqt­astyǵy ózara túsinistik jaǵ­daı­ynda damı beretindigine senim bil­dirdi.

«Egemen-aqparat»