(Sýret krisha.kz saıtynan alyndy)
Qala ákiminiń orynbasary Malıka Bekturova memlekettik-jeke seriktestik jobalarynyń iske asýy jáne Smart-sıtı jobasy týraly aıtyp berdi.
Sondaı-aq Qoǵamdyq densaýlyq saqtaý departamentiniń basshysy Nurqan Sádýaqasov jańa oqý jyly qarsańynda bilim mekemeleriniń daıyndyǵy týraly baıandady.
Kún tártibinde kelesi taqyryptar boıynsha máseleler qarastyryldy: turǵyn-uı qurylysynda úleskerlikpen úı salý máselesi, qaladaǵy tirshilik qareketiniń nysandary, qalada qaýipsizdikti jáne jedel áreket etýdi qamtamyz etý máseleleri, bıýdjet qarajatynyń ıgerilýi, azyq-túlik baǵasy, TKSh salasynda jańa tetikter.
«Sońǵy ýaqytta túnde oryn alatyn shý jáne kóshedegi urys-tóbeles jóninde shaǵymdar kóbeıip ketti. Osyǵan baılanysty qalalyq IID jáne JPQ oıyn-saýyq mekemelerge qatysty baqylaýdy kúsheıtý kerek»,- dedi Áset Isekeshev.
Oǵan qosa ákimniń orynbasary Qosman Aıtmuhambetov qala basshysynyń tapsyrmasy boıynsha tótenshe jaǵdaılar departamentimen birlese otyryp órt qaýipsizdigi máselelerine qatysty «Highvill» TK-de tekserý jumystaryn uıymdastyrýda.
Jıyn qorytyndysy boıynsha ákim elordalyq IID basshysyna qoǵamdyq tynyshtyqty saqtaýda qaýipsizdik sharalaryn kúsheıtý qajettiligi jóninde tapsyrma berdi.