Bul – stýdentterdiń kásibı turǵyda bir emes bir-birine jaqyn birneshe mamandyqty meńgerýine jaǵdaı jasaý degen sóz, dep habarlaıdy 24.kz.
Osy maqsatta 10 joǵarǵy jáne 10 kásibı-tehnıkalyq bilim berý mekemesi iriktelip alynǵan. Tizimde Aqtóbe polıtehnıkalyq kolledji de bar. Jarty ǵasyrlyq tarıhy bar bilim oshaǵynyń materıaldyq-tehnıkalyq bazasy myǵym bilikti pedogogtary jeterlik. Onda bıylǵy oqý jylynan bastap «Ult josparynyń 77-shi qadamynda» kórsetilgen júıeni iske asyrý boıynsha keı mamandyqtar jańa ádisteme boıynsha oqytyla bastaıdy. Bul – jas mamannyń jumys tabý múmkindigi birneshe esege artady degen sóz. Qazirgi tańda oqý ordasyn támamdaǵan túlekterdiń 94 paıyzy jumyspen qamtamasyz etiledi. Taǵy bir aıta ketetin jaıt, Elbasy tapsyrmasyna sáıkes kásiptik bilim tegin beriledi.
Mıra Esetova, oqytýshy:
– Modýldik tásildeme boıynsha ázirlenetin bizdiń túlegimiz birinshi modýlde bir biliktilik, ekinshi modýlde ekinshi biliktilik, úshinshi modýlde ol orta býyn mamany bolady. Demek, ol eń keminde eki jumysshy mamanyn alyp shyǵady.
Sáýle О́mirbekova, oblystyq bilim berý basqarmasynyń basshysy:
– Bıýdjetten bıyl 250 mln teńge qarajat bólindi. Baǵdarlamany júzege asyrý úshin 3 kolledjdiń janynda jataqhana ashylaıyn dep jatyr. Onyń ekeýi aýdandyq jáne bireýi Aqtóbe qalasynyń kolledjiniń janynda bolady.