27 shilde elorda ákimdiginde qala mańyndaǵy eldimekenderge qatynaıtyn avtobýstarda jolaqyny elektrondy tóleý júıesin engizýdiń IV kezeńi men Astananyń qoǵamdyq kóligi qozǵalys syzbasynyń ózgertilýi jóninde aıtyldy.
«Astra kóliktik kartasy - qala mańyndaǵy jolaýshylarǵa kelgen soń 60 mınýt ishinde qalalyq avtobýsqa otyrýǵa múmkindik beredi. Tegin júrýdi paıdalaný úshin qala mańy avtobýsynan shyǵarda jolaýshy kartany taǵy bir ret valıdatorǵa soǵý kerek. Sonymen qatar Astra kartasyna on ret jol júrýdi júktegende jolaýshy úshin 11-shi júrý tegin. Buǵan qosa basqa da jolaqyny tóleý ádisteri saqtalady: qolma-qol tóleý jáne bir aılyq jolaqy bıleti»,- dep málimdedi Astana qalasynyń jolaýshylar kóligi basqarmasy basshysy Bekmyrza Igenberdınov.
Qala mańy avtobýstaryndaǵy jolaqy quny kóliktik aýmaqqa baılanysty:
1 kóliktik aýmaq - 90 teńge;
2 kóliktik aýmaq - 200 teńge;
3 kóliktik aýmaq - 300 teńge;
4 kóliktik aýmaq - 400 teńge.
Qalalyq qoǵamdyq kólikte jolaqy quny - 90 teńge; ekspress tasymaldaý - 150 teńge.
«Astana LRT» tólem júıesi ortalyǵy basshysy Sergeı Popovtyń sózinshe, Astra kartasyn satý bıyl buǵan deıingi jyldardaǵydan asyp tústi.
«Qazir adamdar olar úshin bul júıe qanshalyqty tıimdi ári qolaıly ekenin túsiný kerek. Jalpy, bizde dınamıka jaqsy: ıá, qazir bizde qaǵaz bıletter kóp satylady. Biraq biz kartany satý shegin ótken jyldardaǵydan asyrdyq. Jolaýshylar kartany satyp alyp, toltyrýdy jalǵastyrýda»,- dedi ol.
Budan bólek, Popovtyń pikirinshe, qaǵaz bıletteri men kondýktorlardy alyp tastaý týraly aıtý áli de artyq.
«Qazir karta tólem júrgizýdiń basqa tásilderin almastyrady dep aıtýǵa bolmaıdy. Qarapaıym ǵana mysal, tipti qolma-qol aqsha alýdy toqtatý týraly tájirıbe de joq. Qalada turatyn adamdar uzaq qoldanýǵa arnalǵan kartalarǵa kóshýde. Eger kim kóp avtobýspen qatynamaıdy, olar aqshaǵa bir rettik bılet alady. Al, kondýktorlardyń qajettiligi - keshendi túrde sheshiledi. Olardyń qajet bolmaýy belgili bolǵanda ǵana, bul suraq anyqtalady», - dedi ol.
Jolaýshylar kóligi basqarmasy basshysy Bekmyrza Igenberdınovtyń sózinshe, elordanyń qala mańyndaǵy turǵyndar úshin qoǵamdyq kólik tıimdi.
«Qoǵamdyq kólik qyzmetin paıdalaný arqyly adamdar kúndelikti qansha qarjy únemdeıtinderin túsinedi. Osyny sezingende avtobýstarmen júre bastaıdy. Kúndelikti qalada Qosshy, Jibek jolyna qaraı kólik keptelisi bolady. Benzın men ýaqyt joǵaltady. Qala mańyndaǵy jolaýshylar sany kóbeıse, bizde kez kelgen ýaqytta baǵytty kúsheıtetin, syıymdylyǵy joǵary almastyratyn avtobýstar daıyn bolady, - deıdi ol.