AQSh-tan kelgen qurmetti meımandy emdeý ortalyǵynyń basshylyǵy qushaq jaıa qarsy alyp, «Ana men bala ulttyq ǵylymı ortalyǵynyń» jumysymen tanystyrdy. Biregeı mekemede balalardy ońaltý men dıagnostıkalyq ortalyq, neırohırýrgııa men jedel medısınalyq járdem, kardıohırýrgııa ortalyqtary biriktirilgen. Munda zamanaýı eń ozyq medısınalyq tehnologııalardyń kómegimen ana men balaǵa, naýqastarǵa medısınalyq kómek kórsetiledi.
Gollıvýd akterin onkologııalyq aýrýlarǵa shaldyqqan balalar men olardyń ata-analary qoshemetpen qarsy aldy. Atap óterligi, Djon Malkovıch ómirdiń qıyndyqtaryna jastaı tap bolǵan balalardy kórýge óz erkimen kelgen. Kezdesý barysynda akter suraqtarǵa jaýap berip, kelgendegi maqsatyn aıtyp berdi.
«О́ner adamy bolǵandyqtan, taǵdyrdyń synyna tap bolǵan adamdarmen jıi kezdesýdi qolaı kóremin. Men de birneshe operasııadan aman ótken adammyn. Balasy úshin arpalysqan sizderge jáne sizderdiń balalaryńyzǵa zor densaýlyq tilegim keledi», - dedi Djon Malkovıch. Akter sondaı-aq, kınotýyndylardaǵy ózine eń unamdy rólderi týraly da sóz qozǵady. Onyń aıtýynsha, «Madagaskardyń pıngvındary» atty 2014 jyly kórermenge jol tartqan komedııalyq mýltfılmdegi Segizaıaqtyń róli ózine erekshe unaıtyn kórinedi.
Akterdiń balalary týrasynda da suraqtar qoıyldy. Akter óziniń 25 jastaǵy qyzy men 26 jastaǵy ulynyń akterlik joldy tańdamaǵanyn atap ótti.
«Densaýlyqtary nashar balalardy kórý óte aýyr. Men olarǵa zor densaýlyq tilegim keledi. Munda qanshama ata-analar otyr. Balalaryńyz baqytty ári saý bolyp keterine senimdimin», - dedi áıgili akter.
Kezdesý sońynda Djon Malkovıch tilek bildirgenderdiń bárimen fotosýretke túsip, avtograf taratty.
Eske sala ketsek, Gollıvýd akterynyń bul kelýi - Qazaqstanǵa ómirindegi ekinshi sapary. 2010 jyly ol Almaty qalasynda bolyp qaıtqan. Osy joly HIII «Eýrazııa» halyqaralyq kınofestıvaline arnaıy kelip otyr.