Halyq tilegi partııa úshin qashanda oryndy

Keshe «Nur Otan» HDP-nyń uıymdastyrýymen elimiz kóleminde «Halyq daýy­sy» jalpyulttyq aksııasy bastaldy. Ústimizdegi jyl Táýel­siz­dik­tiń 20 jyldyq mereıtoıymen erekshelenedi. Osy jyldar ishinde bizdiń elimiz túbegeıli áleý­met­tik-ekonomıkalyq, saıası reformalar júrgizý arqyly tań­qa­larlyq nátıjelerge qol jetkizdi. Mereıtoı tek júrip ótken jol­dar­dy saralaý ǵana emes, eń bas­tysy, jańa keńistikter men jańa basymdyqtardy anyqtaý jolyn­da­ǵy eń mańyzdy sát bolmaq. Damýdyń jańa kezeńine aıaq basa otyryp, «Nur Otan» par­tııa­sy el turǵyndarynyń ótinish, tilegin, usynysyn jınaý maq­sa­tynda «Halyqtyń daýysy» jal­py­ulttyq aksııasyn qolǵa aldy. Ol bir ýaqytta elimizdiń barlyq aımaqtarynda bastaldy. Búgin eli­mizdiń joǵary oqý oryndary ǵımarattarynda, iri saýda or­ta­lyqtarynda, áýejaılar men bas­qa da qoǵamdyq mańyzdy oryn­dar­da kúni boıy qarbalas. Bul jerlerge halyq lek-legimen kelip, óz usynys-tilekterin, naqty problemalaryn jazyp, qaldy­ryp jatyr. Onyń barlyǵy nur­otan­dyqtardyń nazaryna iligetinine senimdi. «Nur Otan» partııasy Tór­aǵa­synyń birinshi orynbasary Nur­lan Nyǵmatýlın: «Búgin «Nur Otan» partııasy búkil elimiz boı­ynsha «Halyq daýysy» jal­py­ulttyq aksııasyn bastady. Osy aksııa arqyly jınalǵan tilekter men usynystar Elbasymyz, par­tııamyzdyń Tóraǵasy Nursultan Ábishuly Nazarbaevtyń strate­gııa­lyq mindetterin tıimdi júzege asyrýǵa jáne partııamyzdyń ju­mysyn odan ári jetildirýge óz úlesin qosady dep senim bildiremiz», – dep atap ótti. Aksııa arqyly tilegin jetkizgisi kelgen myńdaǵan qazaqstan­dyq­tyń arasynda Eýrazııa ult­tyq ýnıversıtetiniń ókilderi de bar. L.N.Gýmılev atyndaǵy EUÝ-diń dekany, professor Tilegen Sadyqov «Halyq daýysy» aksııa­sy­nyń jurtshylyq úshin mańyzy óte zor. Onyń ústine bul shara biz­diń ýnıversıtette ótip jatyr. Osy ýnıversıtette elimizdiń bilikti jastary oqıdy, olar eli­mizdiń bolashaǵy. Sondyqtan bú­gin aıtylǵan usynys, tilekterdiń barlyǵy bıliktegilerge jetip, odan naqty bir nátıje shy­ǵa­ty­ny­na biz senimdimiz. Bul shara «Nur Otan» partııasynyń bılik pen halyqty baılanystyrýdaǵy eń ıgilikti isi dep baǵalaımyn, dedi. О́z tilegin jetkizý úshin Asta­nadaǵy «Han Shatyr», «Kerýen» saýda ortalyqtaryna aǵylǵandar da óte kóp boldy. Máselen, zeınetker Saǵıdolla Bahralınov aksııa elimizdiń saıası ómirine belsene aralasýymyzǵa múmkindik beredi. Bizdiń «Nur Otanǵa» jazǵan ótinishterimiz, usynys, tilekterimiz mindetti túrde qarala­dy. О́ıtkeni, ol – Prezıdenti­mizdiń partııasy, sondyqtan men senemin. 20 jyl ishinde jetken jetistikterimiz az emes. Onyń barlyǵy tek ulttyq Kóshbas­shymyz Nursultan Nazarbaevtyń eren eńbeginiń jemisi, deıdi. Bul aýqymdy sharaǵa kez kelgen qazaqstandyq qatysa alady. Ol úshin árbir azamat partııanyń strategııalyq baǵyttarymen sáı­kes keletin oı-pikirlerin, ótinish-tilekterin jazyp, arnaıy belgilengen qaǵazdy toltyrsa bol­ǵany. «Nur Otan» partııasynyń saıtynda arnaıy bólim ashylǵan. Sonymen birge, ótinish, tilek pen usynysty akcia@otan.kz elek­tron­dyq meken-jaı boıynsha da joldaýǵa bolady.