EKSPO-2017 kórmesine qatysýshy elderdiń ulttyq seksııalarynyń jetekshileri Qyzylorda oblysy aýmaǵynda ornalasqan álemdegi alǵashqy jáne iri Baıqońyr ǵarysh aılaǵyna bardy, dep habarlaıdy QazAqparat tilshisi.
Sapar aıasynda komıssarlar Baıqońyr ǵarysh aılaǵynyń mýzeıine, S.P.Korolev pen Iý.A.Gagarınniń memorıaldyq úılerine bas suqty, sosyn olar «Soıýz MS-05» ǵarysh kemesiniń ushyrylý sátin tamashalady.
Qyzylorda oblysyna sapary aıasynda sheteldik qonaqtar «Qorqyt ata» jáne etno aýylǵa taban tirep, qazaqtyń ulttyq, mádenı bolmysymen tanysty.