Qutqarý da óner

Memleket basshysy Nursultan Nazarbaev «Bolashaqqa baǵdar: rýhanı jańǵyrý» atty baǵdarlamalyq maqalasynda bilimge erekshe mańyz bergen-di. Kásibı bilimdi damytý mine, osy talapqa jaýap berýmen qatar, jastardyń bul ómirdegi óz oryndaryn tabýyna qolǵabys ta bolady. Bul rette Kókshetaý qalasynda adamdardyń ómirin saqtap qala alatyn mamandardy daıarlaıtyn eki birdeı nysannyń qoldanysqa berilýi shynymen de qýanyshty jaıt. Munda daıyndalatyndar tótenshe jaǵdaıda ne isteýleri kerektigin jaqsy meń­ge­rýmen qatar, qorqynyshty je­ńý­diń de has sheberleri bola alady. Mundaı mashyqty endi olar órt-qutqarýshylardy daıarlaıtyn manej ben áskerı jekpe-jek óne­rin zertteıtin ǵylymı-zertteý orta­ly­ǵy jáne qoldanbaly zerthana ar­qyly júzege asyratyn bolady.  Atalǵan keshen Kópsalaly aza­mattyq qorǵanys kolledjinde or­nalasqan. Oqý ornynyń basshysy Shoqan Qasymnyń sózine qaraǵanda, me­keme bazasynda 2009 jyldan «О́rt qaýipsizdigi» jáne «Tótenshe jaǵ­daılarda qorǵaý» salalyq ma­mandyqtar ashylǵan. Osylaısha ma­mandardyń mashyqtaryn ush­tap, ká­sibı daıarlyǵyn barynsha artt­y­rý­- ǵa jaǵdaı jasalǵanyn erekshe atap ketken jón.  О́rt-qutqarý manejiniń qol­dan­ysqa berilýimen endi jat­ty­ǵý­lar­dy kún demeı, tún demeı, tip­ti, jyldyń barlyq mezgilinde júr­gize berýge múmkindik týyp otyr. Tórt qabatty órt sóndirý mu­na­ra­syn­da stýd­entter ózderiniń bo­lashaq qut­qa­rýshylar retindegi ma­shyǵy men eptiligin, tipti tózim­di­ligin barynsha shyńdaıtyn bolady. Sondaı-aq, atalǵan oqý orny Halyqaralyq azamattyq qorǵanys uıymymen baılanysty ekenin eskersek, endi kolledjdiń sporttyq manej bazasynda halyq­ara­lyq sharalardy ótkizýge de múm­kindik bar.  Al áskerı jekpe-jek óne­rin zert­teıtin ǵylymı-zert­teý orta­ly­ǵynyń ashylýy sport­shy­lar­dyń áskerı jekpe-jek óneriniń fılosofııasyn, bıomehanıkasyn já­ne fızıologııasyn tereń uǵynýǵa múmkindik beredi. Sonymen birge, daıarlyq barysy jattyǵýda jaraqat alyp qalýǵa, sondaı-aq, adamdardyń densaýlyǵyna nuqsan keltirip alýdan qorǵaýǵa septesetin bolady. ǴZO janyndaǵy Qoldanbaly zerthana «Dene shynyqtyrý jáne sport» mamandyǵy boıynsha oqytylyp jatqandardyń áleýetin arttyrýǵa ózindik úlesin qosatyny túsinikti de.  Buǵan qosa, kolledj aýlasynda zamanaýı órt jáne apatty-qutqarý tehnıkalarymen jabdyqtalǵan apatty-qutqarý bólimi deposynyń ǵımaraty da salynǵan.   Asqar TURAPBAIULY, «Egemen Qazaqstan»

Aqmola oblysy