Oralmandar máselesi talqylandy

Keshe «Nur Otan» HDP Parlamentarızm ınstıtýty jáne BUU DB qoldaýymen «Memlekettiń oralmandarǵa qyzmet túr­le­rine qol jetkizýdi qamtamasyz etý salasyndaǵy áleýmettik saıasaty» degen taqyrypta  «Nur Otan» HDP Parlament Má­ji­lisindegi fraksııasy janyndaǵy Áleýmettik keńestiń oty­ry­sy ótti. Basqosýdy Áleýmettik keńes tóraıymy Aıtkúl Sa­maqo­va júrgizdi, dep habarlady Májilistiń baspasóz qyzmeti. Onda BUU DB Qazaq­stan­da­ǵy Turaqty ókiliniń oryn­ba­sa­ry Ekaterına Panıklova qut­tyqtap,  Eńbek jáne áleýmettik qorǵaý mınıstriniń orynbasary Serik Ahmetov pen Ishki ister mı­nıs­tr­liginiń Mıgrasııa polı­sııasy komıtetiniń tóraǵasy Patrıs Nokın  baıandama jasady. Alqaly jıynda qandastary­myz­ǵa qoldaý kórsetip, qam­qor­lyq jasaýdyń naqty joldary týraly pikirler ortaǵa salyn­dy. Depýtattar Ý.Qa­lıjanov, B.Tileýhan, G.Seıit­ma­ǵanbetova, S.Ospanov, A.Smaıyl, N.О́ner­baı baıandamashylarǵa ja­rysa suraq berdi. Táýelsiz memleket quryp, jańa ómirge bet burǵandaǵy «Nur­ly kóshtiń» jóni bólek. Buryn ket­ken aǵaıyndy qaıta tabys­tyr­ǵan  kósh bolyp otyr. Táýel­siz­dikpen birge atajurtqa basta­ǵan kóshke de bıyl 20 jyl toldy. Atamekenge 20 jyl ishinde 300 myńǵa jýyq otbasy kóship keldi. Osylaısha el halqynyń sany 1 mıllıonnan astam adammen to­lyq­ty. Álemde óz qandastaryn eline shaqyryp,  qyrýar qarajat bólgen úsh-aq memlekettiń bireýimiz. Olar – Qazaqstan, Germanııa jáne Izraıl. Qazaqstan óziniń táýelsizdigin alǵaly beri etnostyq qazaqtardy tarıhı otanyna qaıtarý saıa­sa­tyn júrgizip keledi. Kóshi-qon úderisterin retteý maqsatynda Qazaqstan Respýblıkasynyń 2007-2015 jyldarǵa arnalǵan kó­shi-qon saıasatynyń tujyrym­da­ma­sy, aǵymdaǵy jyly «Halyq­tyń kóshi-qony týraly» jańa zań qabyldandy. Eńbekke qabiletti oralmandar Qazaqstan ekono­mı­ka­syna óz úlesterin qosýda. Olardyń úshten ekisi óndiristiń ár túrli salalarynda jumys jasasa, árbir tórtinshisi aýyl sharýashylyǵynda jumys isteıdi. Áleýmettik keńestiń otyry­syna qatysýshylar Eńbek jáne áleýmettik qorǵaý, Ekonomıkalyq damý jáne saýda, Bilim jáne ǵy­lym, Densaýlyq saqtaý, Baı­la­nys jáne aqparat, Ádilet jáne Syrtqy ister mınıstrlikterine talqylaý  qorytyndylary boı­yn­sha tıisti usynymdar jasady.