Jańa jobalar iske asty

Prezıdenttiń salıqaly saıasaty bir kezderi tórtkúl dúnıeni dúrbeleńge salyp, beleń alǵan qarjylyq jáne ekonomıkalyq daǵ­darystan elimizdi eńseli keıipte alyp shyqty. Sol jyl­dar­ǵa belgilengen áleýmettik qoldaý­lar da báseńdegen joq. Qaıta El­ba­synyń bıylǵy «Qazaqstannyń Úshinshi jańǵyrýy: jahandyq báse­kege qabilettilik» atty Joldaý­ynda el damýynyń negizgi tetik­terine basymdyq berildi. Nátı­je­sinde óndiris órkendep, aýyl sha­rýashylyǵy salasynda jańa jo­balar iske asty. Ásirese Prezı­dent ǵylym salasyna erekshe mán berip, el damýynyń, memleket órkendeýiniń negizi sonda jat­qanyn aıtty.

Memleket basshysy ózi­niń Jol­daýynda elimizde ekono­mı­­kanyń jedeldetilgen tehno­lo­gııalyq jańǵyrtylýy barysyna basa nazar aýdarǵan bolatyn. Son­daı-aq, elimizde onlaın-saý­da, mobıldi bankıng, sıfr­lyq qyzmet kórsetý sekildi den­saý­lyq saqtaý, bilim berý isinde qol­da­nylatyn jáne basqa da perspek­tıvaly salalardy damytý­dyń joldaryn aıqyndap berdi. Osyǵan oraı, «Sıfrly Qazaqstan» baǵdarlamasy arqyly sıfrly ındýstrııany damytý basqa da salalarǵa tyń serpin beredi. Bul baǵyt jańa zamandaǵy tehnologııalyq jetistikterdi, onyń ishinde IT salasyn óndiriske keńinen engizýge mol múmkindikter ashpaq. Jalpy, Elbasy Jol­daý­ynda aıtylǵan máseleler álemdik bá­sekede qazaqstandyq úlgini qalyp­tastyrý bolyp tabylady. Jol­daýdyń túpki maqsatyna úńile qarasaq, bul jerdegi oı halyq­tyń ómir súrý deńgeıin joǵa­ry satyǵa kóterýge jáne kópte­gen áleýmettik máselelerdiń oń she­shimin tabýǵa negizdelip otyr. Bul oraıda Elbasy usynǵan negizgi baǵyttar men memlekettik baǵdarlamalardyń da qoǵam úshin aıtarlyqtaı mańyzy bar.

«Nurly jer» baǵdarlamasy, ásirese óńirlerdiń áleýmettik-ekonomıkalyq turǵydan damýyna oń áserin tıgizip otyr. Aıtalyq, Jambyl oblysynda búginde atalǵan baǵdarlama aıasynda 80 páterli 4 úı salynýda. Sonymen qatar, Taraz qalasynan 14 jáne 15-shaǵyn aýdandardyń salynýy da talaı turǵynnyń baspana máse­lesiniń sheshilýine oń yqpal etedi. Sondaı-aq, óńir óndiris salasynda da órkendep keledi. Oblysta ju­mys istep turǵan «Qazfosfat» jaýap­kershiligi shekteýli seriktes­tigi men «EýroHım» tyńaıtqysh­tar zaýytynyń ózi Elbasy Jol­daýynda aıtylǵan ózekti oılardyń jemisi deýge bolady.

Elbasy «Qazaqstannyń úshinshi jańǵyrýy: jahandyq bá­sekege qabilettilik» atty Jol­daýynda memleket damýyn kezeń-kezeńimen saralap kórset­ti. Memleket basshysy «Qazaqstan­nyń Birinshi jańǵyrýy bárimizdiń esimizde. 25 jyl buryn KSRO-nyń qırandysynan shyǵyp, óz jolymyzdy qalaı bastaǵanymyz jadymyzda tur. Sol kezde bizdiń býyn irgetasynan bastap qolǵa alyp, álem kartasynda bolmaǵan jańa memleket qurdy» dep atap kórsetti. Al «Ekinshi jańǵyrý «Qazaqstan-2030 Strategııasynyń qabyldanýymen jáne jańa elorda – Astananyń salynýymen bastaldy. Onyń nátıjeli bol­ǵany daý týdyrmaıdy. Elimiz ekonomıkalyq turǵydan artta qalǵan aımaqtan shyǵyp, álemdegi ekonomıkasy básekege qabiletti 50 memlekettiń qataryna kirdi», dedi. Rasynda da Elbasynyń mejeli mindeti nátıjeli boldy. Elimiz táýelsizdik alǵan az ǵana ýaqyttyń ishinde álemdegi damyǵan memlekettermen terezemiz teńesti. О́ńirlerdegi ınvestısııalyq jobalar, iske qosylǵan zaýyttardyń ózi óndiriste de básekege qabiletti ekenimizdi dáleldeı túsedi. Máselen, Jambyl óńirinde balamaly qýat kózderin óndirý qolǵa alynǵan. Bul óz kezeginde elimizdegi jasyl ekonomıkanyń órkendeýine, keń qanat jaıyp jahandyq básekege qabilettiliginiń artýyna oń serpin beredi. Sondaı-aq, turǵyndar úshin de elektr qýa­tynyń tıimdiligin arttyrady.

О́z Joldaýynda Elbasy al­dy­myzǵa jańa mindetter qoıdy. Qazaqstannyń endi Úshinshi jań­ǵyrýǵa baǵyt alýy Elbasy aıtqan eńbek ónimdiligin arttyrýmen ushtasyp jatyr deýge bolady. Prezıdent Joldaýynda eńbek naryǵyn jańǵyrtý jaıyn aıta kelip, «Jańa tehnologııalardyń engizilýine baılanysty dástúrli salalarda eńbek resýrstary bosap qalatyn bolady. Sonymen birge, jańa ındýstrııa quryp, damytý jumyspen qamtýdyń jáne azamattardyń naqty tabysyn ósirýdiń qosymsha múmkindigi bolýǵa tıis» dep eńbek naryǵyn jańǵyrtýdyń jolyn usyndy. Elbasy tapsyrmasyna sáıkes, óńir­lerde de óńir damýynyń negiz­gi josparlary jasalyp, búgin­gi tańda naqty jumystar júze­ge asýda. Jambyl óńirinde de eń­bek na­ry­ǵyn qalyptastyrýda aıtar­lyq­taı jumystar atqarylyp otyr.

Qazaqstan búginde damýdyń dańǵyl jolyna tústi. Prezıdent óz Joldaýynda «Qazaqstannyń agroónerkásip kesheniniń bolashaǵy zor» dep atap kórsetti. Búgingi tańda aýyl sharýashylyǵyna da dendep kóńil bólinip, ásirese aýyldy jerlerdiń jaǵdaıyn kóterý jolynda aýqymdy jumystar jasalyp keledi. Memlekettik «Al­tyn asyq», «Sybaǵa» baǵdar­la­malarynyń ózi aýyldy jerlerde jáne eldi mekenderde mal basynyń artýyna sep bolyp, sapaǵa kóshýdiń kórnekti úlgisin kórsetýde. Jalpy, Elbasynyń «Qa­zaqstannyń Úshinshi jań­ǵyrýy: jahandyq básekege qabilet­tilik» taqyrybyndaǵy Joldaýy – qazaq eliniń aldyna qoıylǵan uly mindet. Mańyzdy qujatta el da­mýynyń negizgi joldary aıty­lyp qana qoımaı, onyń tetik­teri de qarastyrylǵan. El ekono­mıkasynyń damýyna úles qosqysy keletin árbir azamat úshin elimizde tirshilik kózderi keńinen paıdalanýǵa jetedi. Bul oraıda, Qazaqstannyń bolashaǵy zor dep nyq senimmen aıtýǵa bolady.

Elbasynyń ózi de «Bizde ýa­qyt talabyn laıyqty qabyl alyp, elimizdi odan ári jańǵyrtý jó­nin­degi mindetterdi oryndaýdan basqa jol joq. Bizdiń uly hal­qymyz biregeı tarıhı múmkin­dikti tolyqtaı paıdalana al­a­tynyna senemin», degen bola­tyn. Sondyqtan da aldaǵy asqa­raly mindetter arqyly biz óz bola­shaǵymyzdy qalyptastyra alamyz dep bilemin. Joldaýda memlekettiń odan ári damýy úshin qajetti nus­qa­lardyń bári de aıtylǵan. Máse­len, kıberqylmyspen kúrestiń mańyzdylyǵy, sybaılas jemqor­lyqtyń sebepteri men alǵyshart­taryn anyqtaı otyryp olardy joıý, terrorızmmen kúres sııaqty naqty tapsyrmalar qoǵam úshin asa ózekti. Ekonomıkanyń damýyna, áleý­mettik salanyń óristeýine de meı­linshe jaǵdaı jasalǵany aı­ty­lyp otyr. Joldaýdyń mańyz­dy­­lyǵy jóninde de Jambyl obly­­synda birqatar bastama kó­terilip, halyqtan keńinen qoldaý tapty. El de memlekettik baǵdar­la­malardyń ıgiligin kórip, sharýa­la­ryn shalqytyp otyr. Aldaǵy baǵ­darymyzdy aıqyndap, baǵy­ty­myz­dy belgilep bergen Jol­daý­dyń jalpaq jurtshylyqqa qoldaý, demeý bolatynyna senim mol.

Taǵy bir aıta ketetin mańyzdy tus – Joldaýda aıtylǵan adamı kapıtal sapasyn jaqsartý. Birlik pen turaqtylyqty nasıhattaǵan memleket retindegi bul bastama árıne, birinshi kezekte azamattardyń quqyǵyn qorǵaýdy basshylyqqa alady. Qoǵamnyń basty baılyǵy adam bolyp sanalatyndyqtan, adamı kapıtal sapasyn jaqsartýdyń tıimdiligi mol. Elbasy Joldaýy osyndaı negizgi ıdeıalarymen de, berik qurylymymen de elimiz úshin asa mańyzdy.

Ǵalymjan SAǴYNTAEV, «Azııa gaz qubyry» JShS bas dırektorynyń birinshi orynbasary, Jambyl oblystyq máslıhatynyń depýtaty

Jambyl oblysy