«Kaspıı – dostyq teńizi»

V halyqaralyq festıval aıasynda tórt kún boıy yntymaqtastyq pen dostyqqa baǵyttalǵan is-sharalar tabysty ótti Qazaqstan Respýblıkasy Táý­elsizdiginiń 20 jyldyǵyna oraı­lastyra ótkizilgen festıval III halyqaralyq Kaspıı sporttyq oıyndarymen bastaldy. Al osy jyly atalmysh festıval aıa­syn­da úshinshi ret uıymdas­ty­rylǵan III Kaspıı ekonomıkalyq kórmesi iskerlik áriptestik pen dostyq baılanysty bekite tú­se­tindeı bıik dárejeden kórindi. Mańǵystaý oblysynyń ákimdigi uıymdas­tyr­ǵan bul kórme «Kaspıı» óńiriniń ekonomıkalyq áleýeti» atalypty. Oǵan Qazaq­stannyń, Reseı, Ázer­baıjan jáne Irannyń bıznes qu­rylymdarynan 200-deı ókil men 40-tan astam kásiporyn qaty­syp, óz ónimderin ákeldi. Kórmeniń saltanatty ashy­lýyn­­da Mańǵystaý oblysynyń ákimi Qyrymbek Kósherbaev meı­mandarǵa hosh keldińizder aıtyp, tatý kórshilik pen saıası-ekono­mı­kalyq jáne rýhanı áriptestiktiń bereri mol ekendigine toqtaldy. Iran men Ázer­baıjannyń Aqtaý qalasyndaǵy bas konsýldary Mor­tazavı Seıed Alı Reza men Rashad Mammadov óndiristi ólkede ınves­tı­sııa­lyq ahýaldy nyǵaı­tý­ǵa barlyq jaǵdaılar jasalǵandy­ǵyn, so­nyń nátıjesinde Kaspıı aımaǵy elderiniń arasyndaǵy eko­no­mı­ka­lyq baılanystar kún sanap nyǵaıyp otyrǵandyǵyn jetkizdi. Eki kúnge sozylǵan kórmege qatysqandar ónimdermen jete tanysyp, ózara tájirıbe al­mas­ty. Aldaǵy ýaqyttaǵy iskerlik baılanystar joldaryn belgiledi. Árbir el, árbir kásiporyn ókil­deri óz taýarlaryn syrtqa shyǵarýdyń tıimdi joldaryn usynyp jatty. Bul áńgimeler teńiz jaǵalaýy el­deri­niń eko­no­mı­kasyn júıeli túrde yqpal­das­tyra túsýge arnalǵan «Kas­pıı mańy elderi yn­tymaq­tas­ty­ǵynyń keleshegi» atty dóńgelek ústel otyrysynda odan ári jalǵasty. «Munaıshy» stadıonynda sal­tanatty túrde ashylǵan V ha­lyq­aralyq «Kaspıı – dostyq teńizi» festıvali qala turǵyn­dary men qonaqtaryna merekelik kóńil-kúı, sán-saltanat syı­la­dy. Estrada jul­dyzdary qa­tys­qan gala-konsert tún orta­syna deıin tolas­ta­ma­dy. Festıval aıasynda uıym­das­tyrylǵan sport­tyq jarystar, halyq­ara­lyq qoldanbaly qolóner baı­qaýy da Kaspıı jaǵalaýynda or­nalasqan memleketterdiń ara­syn­daǵy dostyq baılanystar­dyń qaı salada da tereńdeı túskendigin baıqatty. Sóıtip, tórt kúnge sozylǵan «Kaspıı – dostyq teńizi» festıvaline qatysýshylar óz elderine jańa dostar, senimdi seriktester, armany asqaq áriptester taýyp, kóterińki kóńil-kúımen attandy. Jolaman BOShALAQ. Aqtaý.