Keshe Jarma aýdanynyń ortalyǵy – Qalbataý aýylyndaǵy ortalyq alańda jaryqtandyrylǵan sýburqaqtyń ashylý rásimi ótti.
Sharaǵa aýdan ákimi Nurlan Sydyqov, mekeme basshylary, aýyl turǵyndary men jastar qatysyp, eldi mekenge erekshe kórik bergen sýburqaqty tamashalady.
«Aýyldyń ajaryn ashqan bul nysan jergilikti turǵyndarǵa ǵana emes, aýdan qonaqtaryna da qýanysh syılaıdy dep oılaımyz. Ásirese biz sekildi jastar úshin aýdanymyzda osyndaı demalys oryndarynyń kóp bolǵany qýantady», dedi sýburqaqtyń ashylý saltanatynda jastar atynan sóz alǵan «Jas Otan» Jastar qanatynyń belsendi múshesi Mahabbat Sanat.
Áýendi sýburqaq eki tostaǵannan turady. Úlkeniniń dıametri 20 metrdi quraıdy. 200 sý búrikkishten turatyn sýburqaq 12 metr bıiktikke deıin sý shasha alady eken.
Azamat QASYM, «Egemen Qazaqstan»
Shyǵys Qazaqstan oblysy, Jarma aýdany