Almatylyq "Qaırattyń" tizginine slovakııalyq bapker Vladımır Vaıss oralýy múmkin. Bul týraly vesti.kz habarlady.
Vaıss "Qaıratty" 2012-2015 jyldar aralyǵynda jattyqtyrǵan bolatyn. Almatylyq ujymmen el birinshiliginiń kúmis jáne eki márte qola júldesin jeńip alǵan. Oǵan qosa, Qazaqstan kýbogynda eki ret top jardy. Eýropa lıgasynyń irikteý kezeńinde pleı-off synyna ótip, fransııalyq "Bordoǵa" ese jibergen. Qazirgi tańda Vladımır Vaıss Grýzııa ulttyq quramasyn baptaıdy. Kelisimshart merzimi aǵymdaǵy jyldyń sońyna deıin jasalǵan. Slovakııalyq maman "Artmedııa", "Slovan" jáne "Satýrn" komandalaryn jattyqtyrǵan. Slovakııa quramasymen 2010 jylǵy álem birinshiligine qatysqan. Aıta keteıik, "Qaıratty" ıspanııalyq maman Karlos Alos Ferrer jyl sońyna deıin jattyqtyratyn bolady.