Kóship ketkenderdiń 4 myńǵa jýyǵy elimizdiń ózge óńirlerine, al, qalǵan 1310 adam shetelge jol tartypty. Kerisinshe, óńirge bıyl 2547 adam kóship kelipti. Qazir oblysta 756 myń adam turady. Bul sannyń 70 paıyzdan astam úlesin qalalyqtar quraıdy. Aýyldarda 300 myńǵa jeter-jetpes halyq qalǵan. Jalpy, jumyssyzdyq deńgeıi búginde 4,9 paıyzdy qurap otyr.
О́tken aptada óńirdegi Ýspen aýdany, Olgınka degen aýylǵa Qytaıdan balaly-shaǵaly 18 adamy bar 5 otbasy kóship keldi. Bul 334 turǵyny ǵana qalǵan Olgın aýylynyń turǵyndar sanyna qosylyp, qonys aýdarýshylar qatary bara-bara kóbeıedi degen sóz. Elge el qosylsa qut. Olgınkanyń aty da ózgerip, alystan jetken aǵaıynnyń tilegine saı jarasar.
Al, oblystyq bilim berý basqarmasynyń habarynsha, bıyl óńirdegi tehnologııalyq, hımııa-mehanıkalyq, bıznes, Jaıaý Musa atyndaǵy Aqsý, Krasnoarmeıka, Baıanaýyl agrarlyq-tehnıkalyq kolledjderi «Serpin» memlekettik baǵdarlamasy boıynsha 200 stýdent qabyldamaqshy. Qazir Ońtústik Qazaqstan, Qyzylorda, Mańǵystaý, Almaty, Jambyl oblystarynan kelýge nıettengen basqa da túlekterdiń qujattary qabyldanýda.
Bizdiń óńirden barǵan aýdandyq ákimdikter ókilderi Ońtústik Qazaqstannyń Maqtaaral, Saryaǵash aýdandaryn aralap, kezdesýler uıymdastyrýda.
Endi óńirdegi 10 aýdanǵa 50 otbasyn qabyldaý da josparlanyp otyrǵan kórinedi.
Farıda BYQAI, «Egemen Qazaqstan»