Vıse-mınıstr qazir Qazaqstanda shaǵyn bıznes salyq tóleýdiń birneshe ádisin tańdaı alatynyn baıandady: kompanııalar tárizdi jalpyǵa birdeı belgilengen, jáne patent – onda jarty jylda bir ret aınalymnan 2 paıyz tólenedi. Jańa Salyq kodeksiniń jobasy salyq mólsherlemesin 2018 jyldan bastap 1 paıyzǵa deıin tómendetýdi usynady.
«Eger aınalym kóp bolsa, shaǵyn bıznes «jeńildetilgen deklarasııa» rejımin tańdaı alady – onda jarty jylda bir ret aınalymnan 3 paıyz tólenedi. Ol 2 salyqtyń ornyn almastyrady (kiris salyǵy jáne áleýmettik salyq). Salyq kodeksiniń jobasynda aınalym jáne sany boıynsha shekteýler zańdy tulǵalar úshin de, jeke kásipkerler úshin de teńestirilmek. Bul birinshi kezekte JK úshin jaqsy», – dedi R. Dálenov. Ol shaǵyn bızneske tııanaqtalǵan shegeristiń jańa rejımi usynylatynyn, ol aınalymy kóp, biraq paıdasy azdar úshin tıimdi ekenin atap ótti.
«Mundaı kásipkerler úshin aınalymǵa salyq salý tıimsiz. Sondyqtan, salyq bazasy kirister men shyǵyndardyń arasyndaǵy aıyrma bolmaq. Sharýalar men fermerler ózderiniń jeńildikti rejımderin joǵaltpaı, QQS tóleýshiler bolýǵa quqyly bolady. Olarǵa qyzmettiń basqa túrlerimen aınalysýǵa ruqsat beriledi, jáne olar budan da jeńildikti rejımderin joǵaltpaıdy. Kooperatıvterge kirýge, birneshe aýyl sharýashylyǵy óndirýshilerinde quryltaıshy bolýǵa jáne t. b. shekteýler bolmaıdy», – dep atap ótti R. Dálenov.