Olar qajetinshe qatynaıtyn mekemeler, dúkender, dárihanalar sııaqty kóptegen nysandarda júrip-turýlary úshin arnalǵan pandýstar tym az nemese múlde joq. Barlarynyń ózi talapqa saı emes.
Biri tym bıik bolsa, taǵy biri tarlaý ári taıǵaq. Múmkindigi shekteýli azamattarǵa memleket tarapynan úlken kóńil bólinýde. Semeıde bir jarym myńdaı dúken bar desek te, olardyń kóbine arnaıy pandýstar ornatylmapty. Osyǵan oraı «Nur Otan» partııasynyń músheleri shaǵyn bıznes ókilderine túsindirý jumystaryn júrgizip-aq jatyr. Burynnan turǵyzylyp qoıylǵandarǵa qosalqy túrde pandýstar salý qajet, deıdi. Al jańadan salynyp jatqan nysandarǵa pandýstar salý mindettelýde. Bul qurylys bastalmaı turyp, jobada qarastyrylýy kerek. Jumyspen qamtý jáne áleýmettik baǵdarlamalar bóliminiń aqparatynsha, búgingi tańda Semeı óńiri boıynsha júrý qozǵalysynda kedergisi bar arbamen qozǵalatyn alty júzden astam adam bar eken. Barlyǵyna jergilikti bıýdjet esebinen tegin ınvotaksı qyzmet kórsetip, qajetti jerlerine tasymaldaıdy. Biraq olar barǵan jerine jetkenmen pandýstardyń joqtyǵynan ishke kire almaı jatatyn da kórinister kóbeıgen. Búginde qala basshysy Ermak Sálimovtiń tapsyrýymen qaladaǵy 267 túrli nysandy tekserý jumysy bastalyp otyr.
– Biz reıdke I toptaǵy múgedek Sergeı Strýkovty qatysýǵa shaqyrdyq, – dedi «Nur Otan» partııasynyń jemqorlyqqa qarsy qoǵamdyq keńesiniń múshesi Rýslan Kıbke, – ol baldaqpen súıenip júrse de, osyndaı qoǵamdyq jumystarǵa belsene aralasady. Paýerlıftıngpen aınalysady. Semeıdiń shet aýdanyndaǵy Shyǵys kenti mańyndaǵy mektepter men aýrýhanalarǵa bardyq. Bul jerde aýyldan kóship kelgen 20 myńǵa jýyq aǵaıyn jáne qala turǵyndary turady. 2 mektep, kolledj jáne emhana ornalasqan. Tek osylardyń bireýinde ǵana qolaıly pandýs bar bolyp shyqty. Al №47,12 mektepterdegi pandýstarǵa qoldan jasalǵan «birdemeler» eken. Bul pandýstarǵa Sergeı Strýkov múlde shyǵa almady. Aıaǵy taıǵanap, júrmedi.
– Biz qatarynan neshe jyl boıy pandýs qurylysy úshin bilim bóliminiń bıýdjetine tapsyrys berip kelemiz, – deıdi №47 mektep dırektory Ahat Ydyrysov, – bizge barlyq talapqa saı pandýs ornatý úshin 1,6 mln.teńge kerek. Sońǵy ótinishimiz tipti osydan bir-eki kún buryn ǵana berildi. Bundaı problemany №12 mektep basshylyǵy da alǵa tartty. Atalmysh mektepte bir emes, eki pandýs ornatý úshin 4 mln teńge qajet eken. Al Sergeı Strýkov barǵan №16 emhanada pandýs degenimizdiń ne ekenin tipti bilmeıtin de bolyp shyqqan. Eger emhana qyzmetkerleri múgedek jannyń qıyndyǵyn túsinbese, basqalaryna ne joryq demekpiz biz.
Raýshan NUǴMANBEK, jýrnalıst
SEMEI
Sýretti túsirgen avtor