Osyǵan oraı beı-bereketsiz salynǵan nysandardy basqa jaqqa kóshirýge sheshim qabyldanǵan. Tizimge «Danııal» dámhanasy da iligip, ony buzý kezinde qurylysshylar patsha zeńbiregin keziktirgen. О́lketanýshylardyń aıtýlarynsha, zeńbirek buryn osy jerdegi dóń ústine ornatylyp, balalar qyzyqtaıtyn orynǵa aınalǵan. Tarıhy áriden bastalatyn kóne artefakt qıly-qıly kezeńdi bastan ótkergen tárizdi. О́ıtkeni, 2000 jyldary úshti-kúıli joǵalyp ketip, turǵyndar ony «qoldy boldyǵa» joryp júrgen.
– Keıin dóń ústine dámhana turǵyzylyp, astynda qala berse kerek. Nysan zańsyz boı kóterdi me, álde ıeleri basqa jaqqa aýystyrýdy qıynsyndy ma − aıtý qıyn. Jobalaýymyzsha Petropavl qamaly salynǵan 1752 jyldary ákelingenge uqsaıdy. Biz óz tarapymyzdan ony murajaıǵa yńǵaıly ornalastyrý joldaryn oılastyrýdamyz, – dedi telefon arqyly habarlasqanymyzda mádenıet jáne qujattamalar basqarmasy basshysynyń mindetin atqarýshy Záýre Nurmuqanova.
Petropavldyqtar kózden bul-bul ushqan eskiliktiń kóne jádigerimen qaıta tabysqandaryna qýanýly. Qazir jergilikti murajaıda eki zeńbirek tur. Bul úshinshi eksponat retinde qosylady.
О́mir ESQALI, «Egemen Qazaqstan»
Soltústik Qazaqstan oblysy