«Teńizge balyq shabaqtaryn jiberýde aldyńǵy orynda Iran tur. Olar jylyna 70-80 mln shabaqty teńizge toǵytady. Bizge bul kórsetkishke jetýge áli erte. Degenmen, jumys istep jatyrmyz. Qazir zaýyt toǵanynda 200-ge tarta analyq balyq bar. Jylyna 7 mln shabaqty qoldan ósirip, sýǵa jiberemiz», - deıdi zaýyt basshysy Rashıdın Qalıdýllın.
Sońǵy jyldary Jaıyq ózeninde sý marjandarynyń tabıǵı ósimi kemip ketti. Buǵan ózen sýynyń baldyr men batpaqqa tolýy, laılanýy, jalpy gıdrologııalyq ahýaly, brakonerlik te sebep. Tabıǵı jaǵdaılarǵa ǵana ıek artyp otyra bersek, baǵaly balyq qory joıylyp ketýi de múmkin. Bekire tuqymynyń genofondyn saqtap qalýda Atyraýdaǵy eki zaýyttyń mańyzy erekshe. Jıyrma jylǵa jýyq ýaqyt jumys istep kele jatqan bekire ósirý zaýyttarynda búginge deıin 100 mln shabaq sýǵa jiberilgen.
Baqytgúl BABASh,
«Egemen Qazaqstan».