Aýyl ákimi Asqar Esqalıevtiń aıtýynsha, órt 29 shilde kúni kórshiles Jańaqala aýdanynda bastalyp, sodan okrýg aýmaǵyna aýysqan. 30 shilde kúngi tańǵy 03.00-derde sóndirilgenimen, sol kúni qaıta tutanyp ketken. «Barlyǵy 16 aýladan qozy-laǵyn, bárin eseptegende, 598 ýaq jandyq shyǵynǵa ushyraǵan. Qazirgi kezde arnaıy jumys toby qurylyp, materıaldyq ótemaqy tóleýdiń joldary qarastyrylýda. Sonymen qatar sol úılerge kómek retinde 60-70-teı mal jınaldy. Al órtten denesin 70 paıyzdaı kúıik shalǵan 1990 jylǵy jigit Jalpaqtal aýrýhanasynan sanavıasııamen Oral qalasyna jetkizildi. О́rtke baılanysty oblystyń úsh aýdanynda tótenshe jaǵdaı jarııalansa, sonyń biri - Qaztalov», dedi A.Esqalıev.
Aqjaıyq aýdanynyń ákimi Ádil Jolamanovtyń sózine qaraǵanda, qazir tótenshe jaǵdaı jarııalanǵan aýdannyń barlyq jerinde órt sóndirilgen, jaǵdaı qalypty deýge bolady. Bazartóbe aýyldyq okrýginde 40 myń gektardaı shabyndyq jáne jaıylymdyq jer kúlge aınaldy. Bazarsholan aýylynda da osyndaı jerdiń teń jartysynan astamy otqa orandy. Tompaq eldi mekeni mańyndaǵy ormandy da órt shalyp, aýyzdyqtaldy. Áıteýir mal-jan aman. Kúni búgin órtten kelgen shyǵyn eseptelip, maldy qaı jerge jaıý, mal azyǵyn qaıdan alý máselesi sheshilýde. Shabdarjap, Harkın aýyldarynda elektr baılanysy qalpyna keltirildi. Bazarsholan aýyldyq okrýgine qarasty Jamanqudyq eldi mekenine de elektr jelisi tartylady.
Bókeı ordasy aýdany ákiminiń orynbasary Rústem Zulqashevtiń málim etkenindeı, tótenshe jaǵdaı Saıqyn aýyldyq okrýginde jarııalandy. Munda órttiń saldarynan Orda aýyldyq okrýgindegi Nurtaı Ahmetovtiń sharýa qojalyǵynan (jeri Saıqyn aýyldyq okrýginde) 25 iri qara janyp ketti. Sondaı-aq 250 orama, 1,5 myń taılap býylǵan shóp órtendi. Malǵa materıaldyq ótemaqy tóleý úshin tıisti qujattar jınaqtalyp, komıssııaǵa joldanatyn bolady.
«Bıyl 8 myń gektardaı aýmaqty qamtyǵan 17 órt resmı tirkeldi. Sonyń basym kópshiligi áskerı polıgon jaǵynan (raketa qaldyqtarynyń túsýine baılanysty órttiń tutanýynan) kelýde. О́ıtkeni shóp qalyń, jel kúshti. Kúni búgin Muratsaı aýyldyq okrýginde Maıǵara, Mázilbek, Bısenniń Paıda, Aıbas qystaqtary mańynda órt bolyp jatyr. О́rt sóndirýshiler sonda júr», dedi R.Zulqashev.
Bıylǵy jyl basynan beri oblys aýmaǵynda 50,3 gektardy qamtyǵan 2 orman órti, 19530 gektardy sharpyǵan 208 janý oqıǵasy tirkeldi. О́tken jyly osy merzimde 1769 gektar jerde 90 janý deregi tirkelgen bolatyn, ıaǵnı bıyl órt eki eseden astamǵa kóbeıip ketip otyr.
Eske sala keteıik, 30 shilde kúni Taldyapan aýyldyq okrýginde bolǵan órtten bastapqyda 200-deı qoı-eshki janyp ketti dep habarlanǵan bolatyn.