Basqosýdy Qazaqstan halqy oblystyq assambleıasynyń hatshylyq meńgerýshisi Naıl Salımov ashyp, Dostyq úıinde-23, jergilikti jerlerde 100-den astam etnomádenı birlestikter jumys isteıtinin, olardyń etnosaralyq, konfessııaaralyq birligimizge jan-jaqty qoldaý kórsetip kele jatqanyn atap ótti. Jastar jáne úkimettik emes uıymdarmen tyǵyz birlikte jumys isteımiz, dedi ol.
Soltústik Qazaqstan memlekettik ýnıversıtetiniń dosenti Gúlbaqsha Musabaeva jergilikti tájirıbege súıene otyryp «Qoǵamdyq kelisim men jalpyulttyq birliktiń qazaqstandyq úlgisin damytýdaǵy Qazaqstan halqy Assambleıasynyń róli» degen taqyrypta baıandama jasady. «Barbang» kúrdter assosıasııasy oblystyq fııalynyń tóraǵasy Rashıd Nadırov jas býyn boıyna tarıhymyzdy, qundylyqtarymyzdy ulyqtaý, otandy súıý qasıetterin uıalatýdyń mańyzdylyǵyn jetkizdi. «Kopernık» oblystyq polıak mádenı ortalyǵynyń tóraıymy Valentına Korneva óz oıyn «Bolashaqqa baǵdar: rýhanı jańǵyrý» baǵdarlamalyq maqalasynda aıtylǵan qazaqstandyq patrıotızm máselesimen sabaqtastyrdy.
Konferensııada sóılegen ózge sheshenderdiń oı-pikirleri kez kelgen halyqtyń qýaty–onyń birliginde. Qazaqstan – etnosaralyq kelisim salasynda tájirıbesi mol, biregeılik pen birtektiliktiń qaıtalanbas modelin qalyptastyrýshy el. Bizdiń artyqshylyǵymyz da, kúshimiz de – birtutastyǵymyzda. Sondyqtan, osy bir azamattyq qaǵıdattardy odan ári nyǵaıtý «Máńgilik El» ıdeıasyna negizdelýi tıis, degen paıymdarǵa negizdeldi.
О́mir Esqalı,
«Egemen Qazaqstan»
Soltústik Qazaqstan oblysy.