Jıynǵa qatysýshylar «Bolashaqtyń energııasy: áıelder, bıznes jáne jahandyq ekonomıka» taqyrybyn talqylaýda. Shara barysynda kópshilik EKSPO kórmelerinde «EXPO Women» forýmyn qurýdy usyndy.
«EXPO Women» tóralqasynyń tóraıymy, Prezıdent janyndaǵy «Jasyl ekonomıkaǵa» kóshý keńesiniń múshesi Saltanat Raqymbekovanyń aıtýynsha, áıelderge jasyl tehnologııa salasyndaǵy sharalardy uıymdastyrý qajet. «Biz qorshaǵan ortany qorǵaý máselesinde áıelder áleýetiniń jetistigin kórsetip otyrmyz. Ol degenimiz – klımattyń ózgerýimen kúres, jasyl ekonomıkaǵa kóshý, sondaı-aq, 2015 jyly qabyldanǵan turaqty damýdyń 17 maqsaty. 2000 jyly ótken maqsattardyń qorytyndysy kezinde bizdiń el úzdik kórsetkishke ıe boldy. Endi EKSPO-2017 kórmesin ótkizgen soń, 17 maqsatqa qol jetkizý boıynsha barlyǵymyz birigip elimizge reıtıngtiń joǵary satysynan oryn alýǵa kómektesemiz», deıdi ol.
«EXPO Women» uıymynyń ókilderi aıtyp ótkendeı, úshinshi halyqaralyq áıelder forýmy Dýbaıda uıymdastyrylmaq. Shara sheńberinde Nazarbaev ortalyǵynda «Álemdi ózgertken áıelder» fotokórmesi ótti. Sonymen qatar «Coca Cola» belesteri» respýblıkalyq baıqaýynyń jeńimpazdary marapattaldy.
Ashat RAIQUL "Egemen Qazaqstan",
Sýretti túsirgen
Orynbaı Balmurat,
«Egemen Qazaqstan»