Bórikti aspanǵa atýǵa áli erte

«Stadıon Voıska Polskogo» are­na­synda ótken «Legııa» men «As­tana» arasyndaǵy match Polsha­nyń mem­lekettik merekesi – Varshava kóteri­lisiniń ulttyq kúnin bir mınýt ún­­siz­­­dikpen eske alý rásimimen bas­taldy.  

Jalpy, kezdesýdiń birinshi taı­my «Astana» fýtbolshysy Ivan Maev­skııdiń qarsylaspen tartys­ta maıyp bola jazdaǵan sátimen este qaldy. Áıtpese, eki komanda tara­pynan qor­­ǵaý­shylardyń eki aıa­ǵyn bir etik­ke tyq­qan  adýyndy shab­ýyldar, qaq­pa­shylardyń záre-qutyn alǵan joıqyn soqqylar baı­qala qoımady. Sodan da bolar, oıyn­nyń bul bóliginde qaqpa qulpy buzylmaı, komandalar úziliske teń nátıjemen tarqasty. Kezdesýdiń ekinshi taımy biz kút­kendegideı alań ıeleriniń shabýy­lymen bastaldy. Obaly neshik, jer­les­terimiz qorǵanysta asa saq oınap, qar­sylastyń «jaman» oıyn júzege asyr­maý­dyń barlyq amal-áreketin jasap baq­ty. Degenmen, «Ańdyǵan jaý al­maı qoımaıdy» degen bar, match­tyń 76-mınýtynda bizdiń Mokın qor­ǵa­­ǵan qaqpa torynda ala dop týlap jat­ty. Sebastıan Shımanskıdiń burysh­ta­madan áýelete bergen dobyn Iаkýb Chervın­skı degen jartylaı qorǵaýshy baspen uryp, qaqpanyń bos buryshyna dál baǵyttady. 

Sóıtip, «Astana» fýtbolshylary Eýropada áıgili klýbtardyń ózine azý kórsetip júrgen «Legııa» syndy komandadan eki oıyn qorytyn­dysynda 3:2 esebimen aılasyn asy­ryp, Chem­pıondar lıgasynyń pleı-off kezeńine shyqty.

Qazaqstandyq barsha jankúıer­ge qýanysh syılaǵan bul oıynda «Astana» myna quramda óner kórsetti: Mo­kın, Shıtov, Anıchıch (Postnıkov 63), Klıaınhaısler, Mýjıkov (Grahovas 84), Maevskıı, Tvýması, Logvınenko, Kabananga, Murtazaev (Beısebekov 57), Shomko. Osy rette, kóterińki kóńil-kúıge kirbiń túsirer bir jaıtty aıt­paı ketýge taǵy bolmaıdy. Kári qurlyqtyń tórinde Qazaq fýtbolynyń jaqsy atyn shyǵaryp júrgen ujym­nyń quramynda bul oıynda eki ǵana qarakóz óner kórsetti. Onyń ózinde, bireýi 84-mınýtta oıyndy támamdasa, ekinshisi 57-mınýtta oıynshy almas­tyryp, alańǵa shyqty...

Chempıondar lıgasynyń pleı-off kezeńine saıdyń tasyndaı iriktelgen kil myqtylar joldama aldy. Demek, tartystyń kókesi alda. «Astanaǵa» bórikti aspanǵa atýǵa áli erte. 

Qaırat ÁBILDIN, «Egemen Qazaqstan»