Búgin Astanada «EKSPO-2017» halyqaralyq kórmesi aıasynda álemdik fýtbol juldyzdarynyń qatysýymen «EXPO 2017 Football Cup» týrnıri bastalǵan bolatyn.
Alǵashqy matchty Qazaqstan men Germanııa quramalary bastap, «Astana Arena» stadıonynyń jankúıerlerin keremet kóńil kúıge bóledi. 20 mınýttyq eki taımnan turatyn matchtyń birinshi taımynda qazaqstandyqtar 3:2 esebimen qarsylastarynan basym túsken edi.
Eleńdegen jurt ekinshi taımymdy asyǵa kútti. 5-aq mınýttyq úzilis jasaǵan fýtboshylar tartysty básekeni ary qaraı jalǵady. Mine, ǵajap! Qazaqstandyq ardager fýtbolshylar jankúıerler janyn kirgizip, delebesin qozdyrdy. Taımnyń birinshi mınýtynda-aq Andreı Fınonchenkonyń soqqan doby nemis qaqpasynyń torynda týlap jatty.
Ary qaraı sol aryn, sol ekpin údeı túspese esh álsiregen joq. Sońǵy esep 8:6! Qazaqstan quramasy jeńiske jetti!
Týrnırge Qazaqstan, Reseı, Italııa, Germanııa, Portýgalııa qurama komandalary men álem quramasy qatysýda.