Kanadalyq boksshy Brendon Kýk (18-0, 11 KO) Qanat Islammen bolatyn jekpe-jek jaıly óz oıyn bildirip, doń aıbat kórsetipti.
"Qanat Islam - jaqsy boksshy. Alaıda ol men sııaqty jigitpen áli kezdespegen. Meniń soqqylarym dittegen jerine jetkende ol osyny túsine bastaıdy. Sol kezde naǵyz qııan-keski shaıqas bastalady!..
Men jeńisti qoldan bere salmaımyn. Ony jeńsem, úzdik ondyqqa kiremin", - depti.
Kanadalyq munymen de toqtap qalmaı, Qanattyń kásibı bokstaǵy alǵashqy qarsylasy - Denıel Bıto jaıly aıtyp, "Mende ondaı qarsylastar bolǵan joq. Islam men sııaqty opponenttermen áli kezdespedi", - dep jelpinipti.
Sonymen birge ol Astana aýa raıyna boı úıretý úshin boks keshinen on kún buryn keletinin de aıtypty.