• RUB:
    6.68
  • USD:
    520.93
  • EUR:
    609.07
Basty saıtqa ótý
Aımaqtar 06 Tamyz, 2017

Teńdesi joq elektr stansasy salynady

150 ret
kórsetildi

Aqmola oblysynda Ortalyq Azııadaǵy kún kózinen qýat alatyn eń iri elektrstansasy salynatyn boldy. «KB Enterprises» kompanııasy ınvestor ári jobalaýshy retinde qýaty 100 MVt-ǵa jetetin elektrstansasyn salýǵa daıyndyq jumystaryn aıaqtap, endi jobany júzege asyrýǵa kirisip te ketti. О́ńirlik kommýnıkasııalar qyzmetiniń habarlaýynsha, jańa elektr stansasy Selınograd aýdany Qabanbaı batyr aýlynda salynady.

Jobanyń jalpy quny 165 mıllıon eýrony qurap otyr. Búgingi tańda atalǵan jobanyń sátti qarqyn alýyna barlyq jaǵdaı jasalǵandyǵyn aıta ketý kerek. Aýmaǵy 300 ga quraıtyn ýchaskede daıyndyq jumystary bastalyp ta ketti. Merdiger uıym retinde halyqaralyq SUMEC CLEAN ENERGY INTERNATIONAL CO.,LTD holdıngi qurylyspen aınalysatyn bolady. Al qurylys energetıka salasynda aldyńǵy lekte sanalatyn AVV eýropalyq konsernimen yńtymaqtasa júzege asyrylary belgili bolyp otyr. Atalǵan konsern qural-jabdyqtardy tańdaýdan bastap, ony jetkizý men montajdaýdy qosa alǵanda búkil jumys yrǵaǵyna óz sarapshylaryn qatystyrady. Osylaısha Qazaqstanda ǵana emes, búkil Ortalyq Azııada teńdesi joq zamanaýı joǵary tehnologııaly energetıkalyq keshen iske qosylǵaly tur. Atalǵan joba qosymsha jumys oryndaryn qurýmen qatar, óńirdiń energetıkalyq júıesin jaqsartady jáne bolashaqta oblystyń, tipti elimizdiń qarjylyq-ekonomıkalyq jaǵdaıyn arttyrýǵa oń yqpal etedi dep kútilýde. Bul sonymen qatar elimizdiń bolashaǵy zor ınvestısııalyq «jasyl» tehnologııalardy qabyldaı alatyn ashyq rynok ekendigin pash etedi. Osylaısha atalǵan jobanyń sátti bastalýymen elimiz álemdik qaýymdastyqqa óziniń joǵary tehnologııaly, ekologııalyq jáne paıdaly jobalarǵa múddeli ekenin baıqata túsedi. «KB Enterprises» kompanııasy tartqan jobaǵa qatysýshylar halyqaralyq dárejedegi sarapshylar ekendigin eskersek, atalǵan strategııalyq jobanyń júzege asyýyna kúmán keltirýge bolmas.

Asqar TURAPBAIULY,

«Egemen Qazaqstan»

Aqmola oblysy