Saıystyń ashylý saltanatynan bir kún buryn oblys ákimi Danıal Ahmetov О́zbekstan men elimizdiń úzdik 30 veloshabandozymen birge 25 shaqyrymǵa jýyq jerdi júrip ótti. Sportty jastaıynan janyna serik etetin, ózi de velosıped tepkendi táýir kóretin aımaq basshysy Shyǵys Qazaqstan topyraǵynda osymen 17-inshi márte jalaýy jelbiregen kópkúndiktiń bereri kóp ekendigin aıtady. «Qazaqstan oqýshysy-2017» velojarysynyń mańyzy zor. Mundaı saıystar jas urpaqtyń shymyr, deniniń saý bolyp ósýine úlken áserin tıgizedi. Bul jarysqa kezinde ózim de birneshe márte qatysqanmyn, qazir mine balǵyn sportshylarmen birge birneshe shaqyrymdy basyp óttim. О́zbekstan komandasynyń da qatysyp jatqanyna bek qýanyshtymyz. Dúbirli dodada barlyq veloshabandozdarǵa tek sáttilik tileımin», - deıdi D.Ahmetov.
Aıta keteıik, halyqaralyq deńgeıdegi kópkúndik 13 tamyzǵa deıin jalǵasady. Saıysqa 130-ǵa jýyq sportshy qatysyp jatyr.
Azamat QASYM,
«Egemen Qazaqstan»
О́SKEMEN