«Men óte qýanyshtymyn. Barlyǵy aıaq astynan boldy. Bıletti jańa «Mega» saýda jáne oıyn-saýyq ortalyǵynan keshki jeńildikpen 2500 teńgege satyp alǵanmyn. Chehııa pavılonyn aralap úlgerip, «Shell» kompanııasynyń pavılonyna aıaq basqanmyn. Biraq meni «Astana-EKSPO-2017» UK baspasóz ortalyǵyna jýrnalıstermen kezdesýge alyp keldi. Mundaı sáttilikti kútken joqpyn. О́zim Oralda turamyn. Egiz balam bar», dedi Ǵaısa Jumalıev. Saltanatty basqosýda «Astana EKSPO-2017» ulttyq kompanııasynyń basqarma tóraǵasy Ahmetjan Esimov 2 mıllıonynshy qonaqty ózi quttyqtap, baǵaly syılyq tabystady. «Búgin – «Astana EKSPO-2017» ulttyq kompanııasy úshin aıtýly kún. О́ıtkeni, erekshe oqıǵa oryn aldy. Biz tutas kórme kezeńinde «eki mıllıon adam kelip, EKSPO pavılondaryn 5 mıllıon ret aralaıdy» dep boljaǵan edik. Biraq, kórmeniń aıaqtalýyna 37 kún qalǵanda, josparlaǵan mejemizge qol jetkizdik. EKSPO pavılondaryna keler bolsaq, aralaý kórsetkishi 15 mıllıonnan asyp ketti, bul biz kútken nátıjeden úsh esege kóp. Elbasynyń jobasy oıdaǵydaı júzege asýda», dedi basqarma tóraǵasy. A.Esimov osy jıynda halyqaralyq kórmeniń Astana ekonomıkasynyń barlyq salasyna oń áser etkenin jetkizdi. «Baspanalardyń jalǵa berilýi – 33 paıyzǵa, taýar aınalymy – 20 paıyzǵa, saýda jáne oıyn-saýyq ortalyqtaryna barý kólemi eki esege ósken. Týrızm salasy da edáýir jandana túsken: týrıstik operatorlarǵa júginý kórsetkishi 78 paıyzǵa artqan. Ashyq aspan saıasatyn jarııalap, reıster sanyn 1,3 esege ulǵaıttyq. Helsınkı, Býdapesht, Varshava syndy birneshe qalalarǵa jańa reıster ashyldy. Bir ǵana áýe reısterimen kúndelikti 7 myń adam keledi, 16 myń adam jolaýshylar kóligimen jetedi. Bul – óte jaqsy kórsetkish», dedi ulttyq kompanııa basshysy. Onyń aıtýynsha, bir ǵana maýsym aıynda Astanada qyzmet kórsetý salasynan túsetin salyq túsimi 2,5 esege kóbeıgen. «Bul – kúrdeli daǵdarys ýaqytyndaǵy ekonomıkanyń jandanýy. Bizde shaǵyn jáne orta bıznes sýbektileri kóbeıdi, jalaqy joǵarylady. EKSPO aıaqtalǵan soń ákimdikpen birlesip, tolyq aqparatty taǵy da beretin bolamyz. Degenmen, kórmeniń úshten eki bóligin ótkerip, kórmeni ótkizý týraly sheshim qabyldaǵan Prezıdentimizdiń kóregendiligine kóz jetkizdik», dedi A.Esimov. 11 shilde kúni EKSPO-2017 kórmesine kelgen mıllıonynshy kelýshi tirkelgeni esimizde. Ol 27 jastaǵy astanalyq muǵalim Gúljıhan Jańabergenova edi.
Álemniń 115 memleketi qatysyp jatqan EKSPO-2017 halyqaralyq kórmesin tamashalaýǵa kelgen 2 mıllıonynshy qonaqtyń kim ekeni sharanyń 56-kúni anyqtaldy. Ol – Oral qalasynyń turǵyny, óndiristik sala qyzmetkeri, 34 jastaǵy Ǵaısa Jumalıev. Qurmetti kórermen óziniń kórmeniń 2 mıllıonynshy qonaǵy bolatynyn múlde oılamaǵan. Sátti bılettiń ıesi EKSPO aıasynda ótip jatqan Batys Qazaqstan oblysynyń mádenı kúnderine issaparmen kelgen jáne qalashyq aýmaǵynda ótetin oraldyq ónerpazdardyń konsertine keshki bılet satyp alǵan.