О́ziniń týǵan jerine janashyrlyqpen, súıispenshilikpen qaraǵan azamattar qaı kezde de bolǵan. Týǵan aýylynyń abyroıyn asqaqtatyp, qol ushyn sozyp júrgen jandar qazir de bar. Sondaı azamattardyń biri – Toqtar aýylynyń azamaty Qanat Ábish. Ol Tegisshildik aýyly ákimshilik ǵımaratynyń aldyna kishigirim sýburqaq ornatýdy óz moınyna alyp, sharýany úlken abyroımen atqaryp shyqty. Osy isti atqarýda Mıras Shárip, Janat Esjanov, Ernııaz Tursynbek syndy aýyl azamattary úlken kómek kórsetti. Qanat Ábish aldaǵy ýaqytta ákimdikpen birlesip, sýburqaq janynan aýyl turǵyndary men qonaqtary demalatyn alleıa salmaqshy. Aýyl ákimi Nurlan Qapan da irgeli iske ákimdik tarapynan jan-jaqty kómek kórsetiletindigin aıtty. Elbasymyz N.Á.Nazarbaev «Bolashaqqa baǵdar: rýhanı jańǵyrý» atty maqalasynda «Patrıotızm kindik qanyń tamǵan jerińe, ósken aýylyńa, qalań men óńirińe, ıaǵnı týǵan jerińe degen súıispenshilikten bastalady» deı kelip, «basqa aımaqtarǵa kóship ketse de týǵan jerlerin umytpaı, oǵan qamqorlyq jasaǵysy kelgen kásipkerlerdi, sheneýnikterdi, zııaly qaýym ókilderi men jastardy uıymdastyryp, qoldaý kerek. Bul – qalypty jáne shynaıy patrıottyq sezim, ol árkimde bolýy múmkin. Oǵan tyıym salmaı, kerisinshe, yntalandyrý kerek» dep aıtqan bolatyn. Elbasynyń osy aıtqany týǵan jerdi ulyqtaıtyn jandardyń arqasynda jer-jerde júzege asa bastady. «Bul qazaqta jigitter bar narqasqa» degendeı, Qanat Ábish syndy azamattyń týǵan jerge degen qamqorlyǵyn Qarqaraly óńirinen túlep ushqan basqa jandar qoldap, aýyldarynyń órkendeýine ózindik úles qosyp jatsa, patrıotızm degenimiz sol emes pe!
Nurjan KО́ShKINBAITEGI
Qaraǵandy oblysy, Qarqaraly aýdany, Toqtar aýyly