Múddeler toǵysy

Keshe «Iаdrosyz álem úshin» halyqaralyq forýmy aıasynda Memlekettik hatshy Qanat Saýdabaev AQSh-tyń Kanzas shtatynyń gýbernatory Sem Braýnbekpen kezdesti. Dostyq ráýishtegi kezdesý kezinde qos tarap Qazaqstan-AQSh áriptestigi týraly ózara pikir almasty. S Braýnbek óziniń aýqym­dy forýmǵa arnaıy shaqy­ryl­ǵany úshin alǵys bildire kele, Qa­zaqstannyń jáne onyń Prezı­den­tiniń táýelsizdiktiń 20 jyl­dyq merzimi ishinde qol jetkizgen jetistikterin joǵary baǵalady. Ásirese, Qazaqstannyń ıadrolyq qarýǵa tyıym salý jáne taratpaý maqsatynda atqarǵan jumys­ta­ry­na aıryqsha toqtaldy. Son­daı-aq, ol elimizdiń táýelsizdik alǵan kúnnen beri «ıadrosyz álem» ıdeıasyn berik ustanyp kele jatqanyn, qazirgi kúnge deıin kóptegen azamattardyń Qazaq­stan­nyń ıadrolyq qarýdan bas tartý sheshimi úshin sheksiz alǵys bildiretinin jetkizdi. «Qazirgideı tynyshsyz, áli de ıadrolyq qarýdy jasaý belsendiligi esh báseńsimeı turǵan zamanda mundaı sheshimniń róli tipti de joǵary. Bul Qazaqstannyń ıadro­lyq qarýǵa qarsy qozǵalystyń kóshbasshysy bolýyna tolyqtaı múmkindik beredi, – dedi S. Braýnbek. – Buǵan qosa, men Qazaq­stan jerine eki el arasyndaǵy saý­da-ekonomıkalyq baılanys­tar­dy jandandyrýǵa nıettestik tanytý maqsatynda kelip otyr­myn. Bul oraıda, aýyl sharýa­shy­lyǵy salasyna ozyq tehnologııalar engizý jaǵyna da aıryqsha mán berýimiz qajet.  Jaqyn bola­shaq­taǵy 30 jyl ishinde álemde tutynatyn azyq-túlikke qajetti­lik kóp ese artady. Qazirgimen sa­lystyrǵanda. Bul rette, Qa­zaq­stan men Kanzas aýyl sharýa­shylyǵy salasynda tıimdi áriptestik ornata alar edi». Kezdesý kezinde qos memle­ket­tiń aýylsharýashylyq, máshıne jasaý jáne gýmanıtarlyq sala­la­rdaǵy tıimdi áriptestik jaıy sóz boldy. Bul rette,  bıylǵy jyldyń shilde aıynda Qazaqstan men AQSh arasynda ǵylymı-teh­nıkalyq yntymaqtastyq áleýe­tin kóterýdi kózdegen arnaıy ke­lisimniń óz kúshine engenin aıtýǵa bolady. Bul kelisimge ótken jyly N.Nazarbaevtyń Vashıng­ton­ǵa sapary kezinde qol qoıyl­ǵan-tuǵyn. Endi, mine, atalǵan qujat osy saladaǵy áriptestikti ny­ǵaıta túsýge jol ashqaly otyr. Eki el arasyndaǵy baılanys tek munymen shektelip qalmaq emes. Nazarbaev ýnıversıteti men AQSh-tyń jetekshi degen joǵary oqý oryndary arasynda da myqty áriptestik tetigi ornap keledi. Máselen, 2008 jyly qol qoıylǵan «Kanzas ýnıversıteti men Qazaq agrotehnıkalyq ýnıversıteti arasyndaǵy túsinistik týraly» memorandým endigi kezekte AQSh-tyń ınnovasııasy men joǵary tehnologııasyn belsendi paıdalanýǵa, olardy Qazaq­stannyń agroónerkásiptik sekto­ry­na da baǵyttaýǵa sep bolmaq. Qanat Saýdabaev pen Sem Braýnbek bolashaqta Qazaqstan-AQSh áriptestigin odan ári ny­ǵaı­ta túsýge múddeli ári daıyn ekendikterin jetkizdi. Láıla EDILQYZY.