Qala turǵyndary men qonaqtaryna bul joly Qostanaı oblysynyń taýaróndirýshileri óz ónimderin usyndy.
Osylaısha azyq-túlik ónimderiniń túrimen jáne baǵa saıasatyn bilý maqsatynda qala ákimi Áset Isekeshev jármeńkege bardy. Qostanaı oblysynyń basshysy Arhımed Muhambetov Astana qalasynyń ákimin óńirdiń aýylsharýashylyq sektorymen tanystyrdy.
Shara baǵdarlamasynda otandyq aýylsharýashylyq óniminiń básekege qabilettiligin arttyrýǵa baǵyttalǵan aýylsharýashylyq keshenniń jetistikteri kórsetildi.
Qostanaı oblysy ákimdiginiń málimetteri boıynsha, eki kún boıy oblystyń 3 qalasynan, 11 aýdannan 50-den astam kásiporyn aýylsharýashylyq ónimin satýda. Atap aıtqanda: Altynsarın, Áýlıekól, Jitiqara, Qostanaı, Qamysty, Qarabalyq, Mendiqara, Naýryzym, Taranov, Fedorov, Uzynkól aýdandary, Arkalyq, Rýdnyı, Qostanaı qalalary.
Jalpy 650 tonna aýylsharýashylyq ónimderi jetkizilmek, onyń ishinde: et jáne et ónimderi – 33 t, sút ónimderi – 90 t, shujyq jáne ettiń jartylaı daıyn ónimderi – 59 t, jarma jáne makaron ónimderi – 72 t, nan jáne toqash ónimderi – 70 t, un – 93 t, 72 myńnan astam dana jumyrtqa.
Azyq-túlik óniminiń 100-den astam túri usynylady.
Aıta keteıik, qala turǵyndary men qonaqtary azyq-túlik ónimderin jármeńkede bazardyń baǵasynan tómen somaǵa satyp ala alady.