Qala turǵyndary men qonaqtaryna bir aı boıyna barynsha mazmundy mádenı – saýyq baǵdarlamalary usynylady: 60-tan astam jańa ári burynnan bar festıvalder men konsertterdi tamashalaýǵa bolady. Qala kúnine arnalǵan merekelik baǵdarlama «Medeý» bıik muz aıdynynda 19-20 tamyzda bastalady, munda «Rýhanı jańǵyrý» aıasynda alǵashqy halyqaralyq «Star of Asia» mýzyka festıvali ótedi.
Azııanyń túrli baǵyttaǵy tanymal oryndaýshylary hıp-hoptan bastap, klassıkany, r'n'b dan ındı-popty jáne rokty usynyp, almatylyqtar úshin naǵyz mýzykalyq mereke jasaıdy. Formaty boıynsha múldem jańa festıval bolyp tabylatyn Star of Asia» «Azııa daýsy» mýzykalyq baıqaýynyń dástúrli jalǵasyndaı.«Medeý» bıik muz aıdynyna Qytaıdyń, Túrkııanyń, Japonııanyń, Ońtústik Koreıanyń, Indııanyń jáne basqa shetelderdiń tanymal ánshileri keledi. Oldardyń arasynda ońtústik koreıalyq «U-KISS» K-ror toby, Indııanyń ánshisi Sanah Moidutty, túrik juldyzy Murat Boz bar. Eki kún ishinde sheteldik artıstermen birge MýzART, Kaırat Nurtas, Aıkyn, Álı Okapov jáne basqa qazaqtandyq oryndaýshylar da óner kórsetedi. Bıletterdi «Kassir.kz» caıtynan alýǵa bolady. 7 tamyzdan bastap «Meloman» jelisi men Respýblıka saraıynyń kassalaryna festıval bıletteri túse bastaıdy.
Qala turǵyndary men qonaqtary bir aı ishinde «Kók-Tóbe - Opera» halyqaralyq mýzyka festıvaline baryp, ashyq aspan astynda «Orkestrler sherýin», «Alma fest» alma festıvalin tamashalap, «ToıQazan 2017» atty Qazaqstan halyqtarynyń ulttyq as mázirleri festıvalinen dám tatyp, «Gakku daýsy» kópmyńdyq Open Air di qyzyqtap, «Tulpar» ulttyq kınosyılyǵyn tapsyrýǵa qatysyp, Ǵ.Músirepov atyndaǵy jastar teatrynyń «Bazarym tarqamasyn» spektaklin jáne basqalaryn kóre alady. «Almaty Sales Festival: Summer 2017» jeńildik festıvali aıasynda qalanyń 100-den astam saýda ortalyqtary arzan taýarlardy usynady.
Qala kúni merekesinde, 17 qyrkúıekte «Almaty Arenada» «Muzzone» telearnasynyń VI Evrazııalyq «EMA 2017» mýzykalyq syılyǵyn tapsyrý saltanaty ótedi.
Kóńildi mádenı baǵdarlamalardan ózge almatylyqtar men qala qonaqtary sport jarystaryn da tamashalaı alady. Olardyń ishinde qazaq kúresi boıynsha kóptiń kóńilinen shyqqan «Álem Barysy» týrnıri. 9 qyrkúıekte «Alash Pride» palýandarynyń jarysy ótedi, munda eshkimge jeńilis bermegen Arman Ospanov brazılııalyq Tıago Tavarespen kúsh synasady. Bıyl «Týr Almaty» velojarysy eki kún boıyna 28-29 qyrkúıekte ótedi ári halyqaralyq kópkúndik týrlardyń eń mańyzdysy bolyp tabylady. «Evrosport» telearnasy jarysty tikeleı translıasııalaıdy.
Atap óterlik jaıt, «Almaty Arenada» jaqyn aılar ishinde «ABBA platinum», «A’studio», «Grıby» jáne basqalarynyń konsertteri ótedi. Respýblıka Saraıynda Tóreǵalı Tóreáli, Vaengı, Nargız Zakırova, Pavel Volı jáne basqa qazaq jáne reseılik estrada juldyzdarynyń konsertteri ótedi. Bulardan ózge, bıyl M.Lermontov atyndaǵy Memlekettik Akademııalyq orys drama teatry men elimizdiń eń kóne Almaty zoologııalyq parki ózderiniń 80 jyldyq mereıli merekelerin atap ótedi.
Qala kúnine oraı jaıaý júrginshige basymdyq beretin Panfılov, Jibek joly, Gogol, Qabanbaı batyr kósheleri men «Astana» alańyn qaıta jasaý jumystary aıaqtaý josparlanǵan jáne birqatar áleýmettik nysandar, aýdan ákimdigi, HQKO, sot, prokýratýra, ádilet basqarmasy jáne basqalary ornalasatyn Naýryzbaı aýdanynyń ákimshilik ortalyǵy ashylady.