Jamby atý erejesi boıynsha atpen shaýyp kele jatyp jigitter ekpinin báseńdetpesten qurýly baqan ústindegi nysanany atyp qulatýǵa tıis. Mergendik pen tózimdilikti synaıtyn qazaq halqynyń ulttyq oıynyn jastar arasynda qaıta jańǵyrtý kerek deıdi uıymdastyrýshylar.
− Ulttyq sadaq atýdan álemge aty áıgili Kashshaı Laıosh syndy mergeni bar Majarstannan Chemez Farkas baptaǵan vengr surmergeni Nametı Krıstof alǵash ret jamby saıysynda baq synamaq. О́zderin túrki jurtynyń bir butaǵy sanap, ejelgi qypshaq urpaǵymyz deıtin Majarstan halqy at ústinen sadaq atý dástúrin uzaq jyldan beri nasıhattaýmen keledi. Vengrııada Eýropa kólemindegi dástúrli sadaq atý jarystary jıi uıymdastyrylady. Qazirgi kezde bútin Eýropaǵa madııar sadaqshylarynyń mergendik dańqy keń jaıylǵan. «Altyn jebe» týrnırine keletin Nametı Krıstof quralaıdy kózge atqan mergenderdiń biri, - dedi QR Ulttyq sport túrleri qaýymdastyǵynyń Prezıdenti Bekbolat Tileýhan.
Uıymdastyrýshylardyń aıtýynsha, aldaǵy ýaqytta jamby atýǵa endi jasóspirimder men qyz balalardy daıyndaý dástúri alǵa qoıylmaq. Astanada ótetin halyqaralyq týrnırge tuńǵysh ret Mońǵolııadan qyz bala qatysqaly otyr.
Mergenderge bes orynǵa deıin júlde beriledi. Bas júlde 1,5 mln teńgeni quraıdy.
Aıta keteıik, halyqaralyq «EKSPO-2017» kórmesi aıasynda uıymdastyrylyp otyrǵan týrnır QR Mádenıet jáne sport mınıstrligi, QR Ulttyq sport túrleri qaýymdastyǵy jáne Túrki halyqtarynyń dástúrli sport túrleri qaýymdastyǵy jáne Áleýmettik seriktes – «Samruk-Kazyna Trust» áleýmettik jobalardy damytý qorynyń qoldaýymen ótedi.