Jetistikter – sizdiń bastamalaryńyzdyń nátıjesi

Memleket basshysynyń atyna Qazaqstan uıǵyrlary mádenı ortalyǵynyń aktıvi men zııaly qaýym ókilderinen hat keldi, dep habarlady Qazaqstan Respýblıkasy Prezıdentiniń baspasóz qyzmeti. Oǵan Qazaqstan halqy As­sam­bleıasy Tóraǵasynyń oryn­ba­sary A.Shardınov, professor, teatr synshysy A.Qady­rov, jazýshy-dramatýrg, Qazaq­stan Jazýshylar odaǵynyń múshesi A.Ashırov, «Ýıgýr avazı» respýblıkalyq gazetiniń bas redaktory Iý.Azamatov, Qa­zaq­stan uıǵyrlary qaýymdastyǵy­nyń tóraǵasy T.Mametova, res­pýb­lıkalyq aqsaqaldar keńesiniń tóraǵasy A.Maqsutov, respýb­lı­kalyq Uıǵyr mýzykalyq komedııa teatrynyń dırektory S.Sonýrov, № 153 mektep-gımnazııa dı­rektory Sh.Ýmarov, professor A.Abdýllaev, professor K.Abdýllaeva qol qoıǵan. Hatta bylaı delingen: «Semeı ıadrolyq polıgonyn jabý, elor­dany Astanaǵa uly maqsatpen kóshirý, bolashaq urpaqtar úshin Ulttyq qor qurý, jastardy «Bolashaq» baǵdarlamasy boı­ynsha shetelderde oqytý, Eý­razııalyq ekonomıkalyq keńis­tik qurý ıdeıasy, 2010 jyly Qazaqstannyń EQYU-ǵa tóraǵa­lyǵy, joǵary deńgeıdegi Astana Sammıti, áleýmettik sıpat­taǵy zamanaýı daǵdarysqa qar­sy sharalar – sanap taýysa almaıtyn osyndaı jetistiktiń bári Sizdiń bastamalaryńyz. Shyn máninde, Elbasy basta­malarynyń barlyǵy qazirgi zamanǵy Qazaqstannyń qalyp­tasýynda tarıhı oqıǵalarǵa aı­naldy». Avtorlar Prezıdent beıbitshilik pen ultaralyq kelisimdi el aldyndaǵy basym mindet­ter­diń biri retinde qoıyp otyr­ǵa­nyn, onsyz alǵa qoıylǵan maq­sattarǵa jetý múmkin emestigin atap ótken. «Sizdiń bastamańyzben qu­ryl­ǵan, álemde balamasy joq qo­ǵamdyq ınstıtýt – Qazaqstan halqy Assambleıasy bizdiń eli­miz­diń túrli ult ókilderi ara­syn­daǵy dostyqty, beıbitshilikti, ty­nyshtyqty  saqtaý men ny­ǵaı­týda zor ról atqardy. On eki jyl ishinde Assambleıa konsýltatıv­tik-keńesshi organnan qýatty aza­mattyq qoǵamdyq ınstıtýtqa aı­naldy», – dep atap ótilgen hatta. «Biz, Qazaqstan halqy, eldegi turaqtylyq pen tynyshtyqty, óz bolashaǵymyz ben bizdiń bala­la­ry­myzdyń bolashaǵyna senimdilikti tek Sizben ǵana baı­la­nys­tyramyz. Bizdiń Otany­myz­dyń Táýelsizdiginiń 20 jyl­dy­ǵyn merekeleý qarsańynda, bizge jasaǵan turaqty qamqor­ly­ǵyńyzǵa shyn júrekten óz rı­zashylyǵymyzdy bildire oty­ryp, Sizge sarqylmas jiger, uzaq ómir, О́zińizge jáne týys­taryńyzǵa baqyt, Qazaqstan halqyna gúldený tileımiz!», delingen jedelhatta.