Slet aıasynda kvestter, baǵdar alý jáne quzǵa shyǵý elementteri bar jaıaý saparlar, sporttyq jáne tanymdyq oıyndar, bórenelerden ýaqytsha qurylys salý (pıonerıng), keshki sharalar, trenıngter men sheberhanalar uıymdastyrylady. Sharaǵa Astana, Pavlodar, Qostanaı men Shymkent qalalarynan 29 jasqa deıingi jeti myńnan astam skaýt qatysady degen boljam bar.
«Skaýttar sleti - bul barlyq skaýttardy biriktiretin shara. Olar qoǵamdyq mańyzy bar jumystaryn taǵy bir márte pysyqtap, osy saladaǵy qyzmetti ary qaraı jalǵastyrý jaıyn talqylaıdy. Skaýttar ózara tájirıbe almasyp, kúshterin synaıdy, jańa bir nársege úırenedi ári jaǵymdy emosııa alady», - delingen uıymdastyrýshylardyń resmı xabarlamasynda.
Aıta keteıik, slet 12-15 tamyzy aralyǵynda Astanadan 35 shaqyrym jerde ornalasqan Arnasaı aýylynda ótedi. Shara uıymdastyrýshylary - Astana qalasynyń jastar saıasaty basqarmasy jáne Qazaqstannyń skaýt qozǵalysy.