Atalǵan 209 ınvestısııalyq jobanyń iske asyrylýyna 64,9 mlrd teńge bólingen. Búgin bul týraly oblys ákimi J. Túımebaevtyń qatysýymen ótken selktorlyq otyrysta oblystyq qurylys basqarmasynyń basshysy Quttybek Jamashev málim etti.
Qurylysy josparlanǵan 209 nysannyń 93-i 2018 jylǵa ótpeli. Atap aıtqanda, 79 bilim berý nysany, 38 densaýlyq saqtaý nysany, 1 áleýmettik qamtý, 3 sport, 4 mádenıet, 1 aýyl sharýashylyǵy, 1 ishki ister organnyń, 1 muraǵat, 2 abattandyrý, 1 qorshaǵan ortany qorǵaý, 57 turǵyn úı jáne 21–ınjenerlik-kommýnıkasııalyq nysannyń qurylysy josparlanǵan.
«Bilim berý salasyna jalpy 79 (76 mektep, 1 mektep-ınternat, 2 kolledj) nysanda qurylys jumystaryn júrgizýge 31,2 mlrd teńge baǵyttalǵan, onyń ishinde ulttyq qordan – 17,4 mlrd teńge qaralyp, «Nurly jol» baǵdarlamasy sheńberinde 32 mektep qurylysyn júrgizý josparlanǵan», - deıdi Quttybek Rahmatýllauly.
Sondaı-aq 2016-2017 oqý jyldarynda oblystaǵy 94 bilim berý nysandarynda kúrdeli jóndeý jumystary júrgizilgen. Al bıyl aýdandyq, qalalyq bıýdjet esebinen 43 mektep pen 2 balabaqshada kúrdeli jóndeý jumystaryna 2,6 mlrd teńge qaralǵan. Búgingi tańda 45 bilim berý nysanynyń 36-synda kúrdeli jóndeý jumystary júrýde. Qalǵan 9 nysanda memlekettik satyp alý konkýrysy ótýde. Osy máselelerge toqtalǵan oblystyq bilim basqarmasy basshysynyń mindetin atqarýshy R. Ergashova Saryaǵash aýdanyndaǵy 15 bilim berý nysany men Túlkibas aýdanyndaǵy 4 mekteptiń kúrdeli jóndeý jumystary kelesi jylǵa ótpeli bolyp otyrǵandyǵyna toqtaldy.
«Oblysymyzdaǵy barlyq mektepterdegi kúrdeli jáne jalpy jóndeý jumystary oqý maýsymy bastalǵansha bitýi tıis. Qurylystyń sapaly ári merzimdi aıaqtalýyna mán berilýi kerek. Sondaı-aq jobalaý smetalyq qujattama jumystaryn tezdetip bitirýdiń joldaryn qarastyrǵan jón. Bul rette aýdan ákimderi ár apta saıyn atqarylǵan jumastardyń nátıjesin baıandap otyratyn bolady», - dedi Janseıit Qanseıituly.
Selektorlyq jıynda oblystyq densaýlyq saqtaý basqarmasynyń basshysy Muhan Egizbaev sóz alyp, qazirgi tańda 5 nysanda kúrdeli jóndeý jumystary júrgizilip jatqandyǵyn aıtty. Budan bólek, 34 nysannyń jobalaý smetalyq qujattamalary ázirlenýde. Bul jumystarǵa 3,8 mlrd teńge bólinbek.