Ekonomıkalyq damý kórsetkishterinde ósý bar

Kezdesý barysynda Mem­leket basshysyna bıylǵy 7 aı­dyń qorytyndysy boıyn­sha Úkimettiń atqarǵan jumysy jóninde esep berildi.

Qazaqstan Prezıdenti eli­mizdiń ekonomıkalyq damý kór­setkishteri ósip kele jat­qanyn aıtyp, memleket­tik jáne salalyq baǵdarla­ma­lar­dy odan ári iske asyrýdyń ma­ńyz­dylyǵyn atap ótti.

– Meniń tapsyrmam boıynsha elimizdiń birneshe óńirin aralap shyqtyńyz. Jalpy, turaqty ahýal baıqalýda. Aldymyzda egin orý naýqany tur. Ony tıisti deńgeıde júr­gizýimiz qajet, – dedi Elbasy.

Nursultan Nazarbaevqa 7 aıdyń qorytyndysy boıynsha ekonomıkanyń damý barysy jáne baǵdarlamalardyń aralyq nátıjeleri jóninde málimdeldi.

– Ekonomıkalyq ósim 4,2%-dy qurap otyr. О́ndiris sala­syndaǵy kórsetkishter munaı óńdeý deńgeıi tómendegen Qyzylorda jáne Mańǵystaý oblystarynan basqa elimizdiń barlyq óńirinde 100 paıyzdyq mólsherden asty. Biz qazirgi ýaqytta bul óńirlerge jańa rezerv kózderin jumyldyrý máselesi boıynsha jumystar júrgizip jatyrmyz.

Negizgi kapıtalǵa ınvestısııa tartý máselesi jóninde. Byl­­tyrǵy osy kezeńmen sa­lys­tyr­ǵanda 3,7% ósim baıqa­lýda.

Barlyq óńirlerde kórset­kishter jaqsy. In­flıa­sııa deńgeıi bıylǵy maýsym aıy­men salystyrǵanda 0,1%-ǵa ósti. Azyq-túlik baǵasy 0,5%-ǵa tómendegenin atap ót­kim keledi. Jumyssyzdyq deń­geıi 4,9%-dy qurap otyr, – dep baıan­dady B.Saǵyntaev.

Sonymen qatar, Premer-Mınıstr ındýstrııalandyrý baǵdarlamasynyń iske asyrylýy jóninde esep berdi. Onyń aıasynda bıylǵy birinshi toqsannyń qorytyndysy bo­ıynsha 31 joba iske qosyldy. B.Saǵyntaevtyń málimetine sáı­kes, ekinshi toqsanda jańa 10 myń jumys ornyn qam­tı­tyn 100 jobany iske asyrý josparlanyp otyr.

– Ekonomıkanyń ósýi­­ne «Nurly jol» baǵdar­la­masynyń júzege asyrylýy zor úles qosyp otyr. Bıyl avto­mobıl joldarynyń qury­ly­syna 356 mıllıard teńge qarastyrylǵan. Sondaı-aq, qazir 600 shaqyrym jol iske qo­syldy. Jyl sońyna deıin 469 shaqyrym jol aqyly bol­maq. Alǵash ret osyndaı júıege qosylǵan «Astana-Bý­rabaı» tas joly jylyna 1,5 mıllıard teńgege deıin paıda ákelip, onyń qu­ry­ly­syna jum­sal­ǵan qarajatty aq­tap otyr. Qazir «Astana-Te­mir­taý» tas jolyn osy júıege qosý ju­mystary júrgizilýde, – dedi Premer-Mınıstr.

Sondaı-aq, B.Saǵyn­taev «Nurly jer» baǵdar­la­masy­nyń oryndalý nátı­jeleri týraly baıandady. Onyń aıasynda bıyl 10,2 mln sharshy metr turǵyn úı salý josparlanǵan. Pre­mer-Mınıstrdiń máli­metine sáıkes, birinshi jarty­jyldyqtyń qorytyndysy boıynsha 5,5 mln sharshy metrdi qamtıtyn qurylys ju­mystary aıaq­talǵan.

Memleket basshysyna aýyl sharýashylyǵyndaǵy baǵ­dar­lamalardyń iske asyrylýy týraly esep berilip, el ekono­mıkasyn nesıelendirý jó­ninde málimet usynyldy.

Sońynda Qazaqstan Pre­zıdenti Úkimet pen ákimderdiń aldyna qoıylǵan mindetterdi oryndaýdy jalǵastyrýdy tapsyryp, bul rette ósimniń oń qarqynyn saqtaýdyń jáne bólingen qarajatty ıgerýdiń mańyzdylyǵyna toqtaldy.

– Úkimet qyzý jumys júr­gizip otyr dep esepteımin. Men jyldy jaqsy nátıjelermen qorytyndylaý úshin bárińizdi uıymshyldyqpen jumys isteýge shaqyramyn. Táýekeldi tustar da joq emes. Energııa ta­sy­maldaýshylarymyzǵa, shı­kizat ónimderine degen baǵanyń ózgerisi. Bálkim, Ba­tystyń Reseıge qatysty sanksııalary áser eter. Osyny eskerý qajet, – dedi Elbasy.

Sýret Prezıdenttiń baspasóz qyzmetinen alyndy