Úsh óńirdiń órkendi ózgeristeri

Keshe Memleket basshysy Nursultan Nazarbaev Beıbitshilik jáne kelisim saraıynda ótken Qaraǵandy, Mań­ǵys­taý jáne Soltústik Qazaqstan oblystarynyń kúnderine arnalǵan is-sharalarǵa qatysty. Prezıdent áýeli Qaraǵandy, Mań­ǵystaý jáne Soltústik Qa­zaq­stan oblystarynyń jetistikter kórme­­simen tanysty. Memleket bas­shysyna ekonomıkalyq, áleý­met­tik jáne mádenıet, bilimdi da­my­tý baǵdarlamasy, den­saý­lyq saq­taý, týrızm men bıznes salala­ryn­daǵy jetistikter ta­nys­tyryldy. Qaraǵandy oblysynyń ákimi S.Ahmetov Prezıdentke óńirdiń eko­­­no­mıkalyq jaǵdaıy men áleý­met­tik saladaǵy damýy týraly baıan­dady. 20 jyl ishinde ob­lys­taǵy jal­py óńirlik ónim 2 mlrd. teń­geden 2 trln. teńgege deıin ulǵaı­ǵan. Búginde oblys jalpy óńirlik ónim kólemi boıynsha 3-oryn alady. Sońǵy 10 jylda ónerkásip óndirisi 3,8 esege ósti. Údemeli ındýstrııalyq-ınno­vasııalyq damý baǵdarlamasy aıa­synda Indýstrııalandyrý karta­syna Qaraǵandy oblysynan jal­py somasy 272,8 mlrd. teńgeni qu­­raı­tyn, 5 myńnan astam ju­mys orny ashylatyn, 42 ınves­tı­sııa­lyq joba engizildi. Búgingi kúnniń ózinde 18 joba iske asy­ryldy. Jetistikter kórmesi kezinde Mań­ǵystaý oblysynyń ákimi Q.Kósher­­baev Memleket bas­shys­y­na óńirdiń áleýmettik-ekono­mıka­lyq damýy tý­­­­ra­ly habarlady. Oblysta jan ba­sy­na shaqqandaǵy jalpy óń­irlik ónim eń joǵary kórset­­kishtiń biri. Ol 2010 jyl­­dyń qorytyn­dysy boı­yn­sha 19 myńnan astam dollardy qurady. Eger 1993 jyly óńir respýb­lı­kanyń ónerkásip óndirisiniń 4,5 paıyzyn qamtamasyz etse, bú­gin­de oblystyń úlesine 16,5 paıyzy tıesili. Jan basyna shaq­qanda ınvestısııa tartý kólemi boıynsha elimizde ekinshi oryn alady. Sońǵy 10 jylda turǵyn úı qo­ry 3 mıllıon sharshy metrge ul­ǵaı­dy. 20 myńnan astam otba­sy ja­­ńa pá­terlerde turyp ja­tyr. Ár aýylda gaz, sý, jaryq, baılanys, Internet jáne televızııa bar. 20 jylda Mańǵys­taý­da 160 balabaq­sha men jalpy bilim beretin mektep, sonyń ishinde «100 mektep, 100 aýrýhana» jáne «Balapan» baǵdar­la­malary aıa­­syn­da ashyldy. Aýrýhana men emhana sany eki esege artty. Soltústik Qazaqstan oblysy­nyń ákimi S.Bilálov Prezıdentti óńir­­­diń áleýmettik-ekonomı­ka­lyq da­mýy­­­­­nyń nátıjelerimen tanys­tyr­dy. Soltústik Qazaqstan ob­ly­syn­da res­­­­pýblıkalyq kólem­de­gi aýyl sharýa­­­­shylyǵy ónimde­ri­niń 12 paı­yzy óndiriledi. Bı­ylǵy jyly soltús­tik­­­qa­zaq­stan­dyq dıqandar túsim­di­li­gi gek­ta­ryna 21 sentnerden keletin, 8 mln. tonnadan astam astyq jınady. Údemeli ındýstrııalyq-ınno­­va­­sııalyq damý baǵdarlamasyna Sol­tústik Qazaqstan oblysynan soma­sy 28,5 mlrd. teńge bolatyn 15 ın­novasııalyq joba engizildi. О́ńirde 103 myń adam eńbek etetin, 21 myńnan astam belsendi sha­ǵyn jáne orta kásipkerlik sýb­ek­tileri jumys isteıdi. Ju­mys­­­pen qamtý jáne jańa jumys or­yn­daryn qurý kartasy ázir­lengen. Memleket basshysy Nur­sul­tan Nazarbaev Beıbitshilik jáne kelisim saraıynyń Opera zalyna kelip, úsh oblystyń kún­de­­­riniń gala-konsertin tama­sha­la­dy. Sýretterdi túsirgender S.BONDARENKO, B.OTARBAEV, O.BALMURAT.