Vıse-mınıstrdiń aıtýynsha, sońǵy bes jyl ishinde alǵash ret joǵary jáne joǵary oqý ornynan keıingi bilimi bar kadrlardy daıarlýǵa arnalǵan memlekettik bilim berý tapsyrysynyń kólemi ósken. Mysaly, bakalavrıat granty byltyrmen salystyrǵanda 6230 orynǵa kóbeıipti. Osylaısha, 2017-2018 oqý jylyna bilim granttarynyń sany 37 932 grantqa ulǵaıǵan. Onyń ishinde 35 082 grant – I kýrsqa qabyldaý úshin, 2850 oryn – joǵary oqý oryndarynyń daıyndyq bólimderine bólingen.
B.Asylova memlekettik bilim berý tapsyrysy berilgen joǵary oqý oryndarynyń tizimi de keńeıtilgenin atap ótti.
Jalpy, bilim grantyn taǵaıyndaý konkýrsyna 63 169 adam qatysqan. Onyń ishinde 49858 jas – qazaq tilindegi oqý bólimine, 13 311i – orys tilindegi oqýǵa tapsyrǵan. «Máńgilik el jastary – ındýstrııaǵa!» jobasy sheńberinde de arnaıy kvota bar. Osy kvoty ıelený úshin 9 148 adam ózara básekege túsken.
Bilim granttarynyń tizimi 14 tamyz kúni «Egemen Qazaqstan» jáne «Kazahstanskaıa pravda» gazetterinde jarııalanatyn bolady. Sondaı-aq, grant ıegerleriniń tizimi Bilim jáne ǵylym mınıstrligi men Ulttyq testileý ortalyǵynyń resmı saıttarynda ornalastyrylady.
Qymbat TOQTAMURAT
«Egemen Qazaqstan»