Onyń aıtýynsha, jumys istep turǵan kásiporyndar kommýnaldyq qyzmetterdi tóleý arqyly memlekettiń ınfraqurylym qurylysyna salǵan qarajattaryn qaıtarýda.
Sondaı-aq, Bórlibaev ınvestorlardy bos jer bar kezde óz óndiristerin Indýstrııaldy aımaqqa ornalastyrýǵa shaqyrdy. Spıker óndiristi ındýstrııaldy aımaqqa ornalastyrý shyǵyndary túpkilikti arzandaǵanyn atap ótti. Iаǵnı, jer telimin jalǵa berýdiń mólsherlemesi jylyna bir sharshy metr úshin bar-joǵy 42 teńgeni quraıdy. Onyń ústine Almaty qalasynyń ortalyǵyna tikeleı jaqyn ornalasqan.
Sonymen birge, forým barysynda Alataý aýdany ákiminiń orynbasary Qaıyrjan Jaqsymbetov aýdannyń ınvest áleýeti týraly aıtyp berdi, onyń damýyna 2008 jyldan beri (qurylǵan sátten bastap) bıýdjetten 300 mlrd-tan astam teńge bólindi.
Aýdan boıynsha negizgi kapıtalǵa salynǵan ınvestısııa kólemi 9 jyldyń ishinde 3 mıllıard teńgeden 100 mıllıard teńgege deıin ósti. Aýdannyń taýar aınalymy 889 mıllıon teńgeden 772 mıllıard teńgege deıin ósti.
Ákimniń orynbasary ınvest ahýaldy jaqsartý boıynsha basty mindetterdiń biri shaǵyn jáne orta bıznesti damytý, sondaı-aq ákimshilik kedergilerdi tómendetý ekenin atap ótti.
Qoryta aıtqanda, «Indýstrııalandyrý kartasy» baǵdarlamasynyń sheńberinde Alataý aýdanynda 25 joba iske asyrylýda, onyń 24-inde shamamen 5000 jańa jumys orny ashyldy.
«Bıznestiń jol kartasy-2020» baǵdarlamasy boıynsha 104 jańa jumys orny quryla otyryp, 619 mıllıon teńge somasyndaǵy 9 joba memlekettik qoldaý aldy.