PAVLODAR QALASYNA JAŃA ÁKIM KELDI. О́tken aptada oblys ortalyǵyna jańa ákim taǵaıyndaldy. Ol –Qaıyrgeldi Orazgeldınov.
Negizinen, bul qyzmette jańa ákimniń tájirıbesi mol, jergilikti jer jaǵdaıyn jaqsy biledi deýge bolady. Buǵan deıin Qaıyrgeldi Álıǵazyuly oblystaǵy Qashyr aýdanyn, óndiristi Aqsý qalasyn basqardy. Elge jaıly, sońyna beı-bereket sóz qaldyrmaǵan, sharýashylyq jaıyna myqty. Qashyr aýdany ortalyǵynyń Tereńkól dep atalýyna, tuńǵysh ret qazaq mektebiniń salynýyna úles qosty. Endi Kereký óńiri ortalyǵyn basqarady. Al buǵan deıin qala ákimi bolǵan Baqytjan Jolamanovtyń, nege ekeni belgisiz, kelgeninen ketkeni jyldam boldy.
Farıda BYQAI. Pavlodar.
JYLJYMALY KEShEN TABYS ETILDI. Oblystyq balalar aýrýhanasyna jyljymaly medısınalyq keshen tabys etildi. Bul zamanaýı medısınalyq kóliktiń quny 85 mıllıon teńge turady. Endi balalar dárigerleri oblystyń qandaı shalǵaı aýdanyna da tez jetip, aýrýlarǵa kómek kórsete alady. Bul oblystyq balalar aýrýhanasynyń kópten bergi qoly jetpeı júrgen jabdyǵy bolatyn. Onyń ishinde aýyrǵan balanyń dıagnozyn anyqtaıtyn barlyq jabdyq ta, jaǵdaı da bar. Dáriger osy kóliktiń arqasynda naýqasqa jedel kómek te kórsete alady. Endi shalǵaı aýyldardaǵy ata-analar bala aýyrǵanda alystaǵy aýdan ortalyǵyna nemese oblystyq aýrýhanaǵa qalaı jetemiz dep bas qatyrmaıdy. Balalar dárigeri jetispeı otyrǵan jerlerde jedel medısınalyq kóliktiń tıimdiligi óte joǵary bolaryn oblystyq aýrýhana basshylary qazirden aıtyp otyr.
Názıra JÁRIMBETOVA. Qostanaı.
TÝǴAN JERGE TAǴZYM AKSIIаSY BASTALDY. Kendi Altaıdyń aýdandary men qalalary О́skemen men Semeıde «Týǵan jerge – taǵzym» aksııasyn bastady. Burynǵy Semeıge qarasty aýdan ókilderi О́skemenge, al О́skemenge qarastylary Semeıge baryp, aýyl sharýashylyǵy jármeńkesin ótkizip, et, kókónis, basqa da aýyl sharýashylyǵy ónimderin qala dúkenderine qaraǵanda 30-40 paıyz tómen baǵamen sata bastady. Eki apta qatarynan Besqaraǵaı men Jarma aýdandary júz tonnadan astam kókónis, et pen sútti arzanǵa satty. Aýdan ákimderi Qalıhan Baıǵonysov pen Temirbek Qasymjanovtyń aıtýynsha, jármeńke ótkizýmen birge, jetimderge azyq-túlik tegin aparyp berilgen. Metallýrgterdiń Mádenıet saraıynda eki aýdan ónerpazdary án men kúıden shashý shashty.
Ońdasyn ELÝBAI. О́skemen.
TYŃDAÝShYLARǴA ARNAIY SERTIFIKAT. Petropavl qalasynda belgııalyq «EuroConsultants» kompanııasynyń qoldaýymen azyq-túlik ónimderiniń qaýipsizdigin qamtamasyz etýge arnalǵan aımaqtyq semınar ótti. Oǵan sanıtarlyq-epıdemıologııalyq sala mamandarymen qatar, AQSh, Italııa, Latvııa, Nıderlandy, Ýkraına memleketterinen sarapshylar qatysty. Basqosýda Búkilálemdik saýda uıymy talaptaryna saı ónim sapasyn álemdik talaptarǵa jetkizýdiń joldary qarastyrylyp, dárister oqyldy. Respýblıka boıynsha is-tájirıbeler ortaǵa salynyp, paıdaly usynystar aıtyldy. Atalmysh shara aıasynda bir myńnan astam mamannyń kásibı biliktiligin arttyrý kózdelgen. Eki kúnge sozylǵan semınarda júzden asa tyńdaýshylarǵa arnaıy sertıfıkattar tabys etildi.
О́mir ESQALI. Soltústik Qazaqstan oblysy.
KITAPTY KО́P OQITYN ÁÝLETTER. Aqparattyq tehnologııalar qansha jetilgenimen kórkem ádebıettiń urpaq tárbıesindegi orny bólek. Jaqynda Kentaý qalalyq kitaphanasy ujymynyń uıymdastyrýymen “Úzdik oqıtyndar áýleti” baıqaýy bolyp ótti. Mádenı sharaǵa jeti otbasy qatysyp, qazaqtyń turmystyq salt-dástúrlerine baılanysty bes kezeń boıynsha synǵa tústi. Osy baıqaýda Berikqara áýleti bas júldeni jeńip aldy. Júldeli úsh orynǵa Álıevter, Qoıshybaevtar jáne Oralbaevtar otbasylary ıe boldy.
Baqtııar TAIJAN. Ońtústik Qazaqstan oblysy.
BEINEKONFERENSIIа ARQYLY TALQYLANDY. Qaraǵandy jáne Batys Qazaqstan oblystyq Jaıyq Bekturov pen Hamza Esenjanov atyndaǵy jasóspirimder men balalar kitaphanasy arasynda «Bir el – bir kitap» respýblıkalyq aksııasy aıasynda tikeleı baılanysta beınekonferensııa ótti. Oǵan qatysqan Qaraǵandydaǵy, Oraldaǵy joǵary oqý oryndarynyń shákirtteri J.Aımaýytovtyń «Aqbilek» romanyn talqylap, ony oqýdan túıgen oı-áserlerin ortaǵa saldy. Qaraǵandydaǵy atalǵan kitaphana mundaı sharany basqa da qalalardaǵy rýhanı baılyq oshaqtarymen jalǵastyrmaq.
Aıqyn NESIPBAI. Qaraǵandy.
EKOLOGIIаLYQ AKSIIа MÁREGE JETTI. Batys Qazaqstan oblystyq ekologııalyq qoǵamdyq uıymdar qaýymdastyǵy jas býynnyń ekologııalyq tanymyn kóterý úshin arnaıy aksııa jarııalady. Birneshe kezeńnen turatyn aksııa aıasynda tal otyrǵyzý, aýmaqtardy tazartý jumystary atqaryldy. Tárbıe saǵattary men konkýrstar ótkizildi. О́tken aptada jas jetkinshekter arasynda ótkizilgen sharanyń nátıjeleri shyǵarylyp, Oral qalasyndaǵy №19, №20 jáne №41 mektep oqýshylary jeńimpaz dep tanyldy.
Temir QUSAIYN. Oral.