Bıyl Akademııaǵa oqýǵa qabyldaý boıynsha qoıylatyn talaptar qazirgi zamannyń qajettilikterine qaraı aıtarlyqtaı jetildirilgenin, jańa formatta júzege asyrylyp jatqanyn atap ótken jón. Oqýǵa qabyldaýdyń birinshi kezeńi aǵylshyn tili boıynsha bilim deńgeıi men motıvasııalyq jáne mamandyq boıynsha esseler jazý arqyly oqýǵa túsýge úmitkerdiń taldamalyq jáne synı oılana bilý qasıetterin kórsetýdi qamtysa, ekinshi kezeń suhbattasýdan turady, onyń barysynda sıtýasııalyq tapsyrmalardy (keısterdi) sheshý arqyly úmitkerdiń kásibı, taldamalyq, kommýnıkatıvtik jáne tulǵalyq qasıetteri baǵalanady.
Jańa oqý jylyna qabyldaý naýqanynyń taǵy bir jańashyldyǵy úmitkerlerdiń tildik quzyretin naqty anyqtaýǵa múmkindik beretin aǵylshyn tili boıynsha halyqaralyq APTIS testin tapsyrý boldy. Tyńdaýshylarǵa ony Akademııa qabyrǵasynda tapsyrý múmkindigi berildi.
2017 jyldyń 10 tamyzynda joǵaryda atalyp ótken ekinshi kezeń boıynsha, ıaǵnı mamandyqtar boıynsha emtıhan komıssııalary óz jumysyn bastap ketti. Aǵymdaǵy jyldyń 15 tamyzyna deıin jalǵasatyn komıssııa jumysynyń mindetine Akademııaǵa oqýǵa túsýge úmitker tulǵalardyń qazirgi zamanda óz boıynda bolýy qajet bilik-daǵdylardy, kásibı jáne tulǵalyq quzyretter deńgeıin baǵalaý kiredi. Atalmysh emtıhan komıssııalarynyń quramyna baǵdarlamalardyń baǵyttaryna qaraı Qazaqstan Respýblıkasy Prezıdenti Ákimshiliginiń, Qazaqstan Respýblıkasy Qaýipsizdik Keńesiniń, Astana qalasynyń ákimi – Á. Isekeshev, birqatar ortalyq memlekettik organdardyń jaýapty hatshylary – D.V. Vagapov, A.B. Qarashev, B.Q. Tortaev, B.T. Tókejanov, Komıtet tóraǵalarynyń orynbasarlary – A.K. Darbaev, G.M. Kerimhanova, Syrtqy ister mınıstrliginiń, ózge de ortalyq memlekettik organdardyń, halyqaralyq uıymdardyń, Elshiliktiń, korporatıvtik sektordyń, jergilikti atqarýshy organnyń, otandyq jáne sheteldik áriptes-joǵary oqý oryndarynyń ókilderi, Astana qalasynyń máslıhat hatshysy jáne t.b. kiredi.
Mamandyq boıynsha emtıhan Akademııanyń 10 baǵdarlamasy boıynsha júrgiziledi. Memlekettik qyzmettiń aǵymdaǵy qajettilikterin, perspektıvalary men ozyq halyqaralyq tájirıbeni eskere otyryp jańartylǵan bilim berý baǵdarlamalary osy ekinshi kezeńnen sátti ótken tulǵalarǵa elimizdegi memlekettik qyzmet jáne memlekettik basqarý salasyndaǵy jalǵyz oqý ordasynda bilim alýǵa múmkindik beredi.