«Búgingi kúni biz mundaı usynysty Ishki ister mınıstrligine berdik. Astanada ilki joba retinde Mıgrasııa jónindegi arnaıy halyqqa qyzmet kórsetý ortalyǵyn iske qosqysymyz keledi. Qazirgi ýaqytta kelissózder júrgizilýde, ǵımarat tańdap alyndy. Onda memlekettik korporasııa qyzmetkerleriniń front-keńesin ornalastyrmaqpyz. Al sheteldikterge vıza berý nemese tirkeý sheshimi kóshi-qon polısııasynyń qyzmetkerlerinde qalatyn bolady. Bul másele qazirgi ýaqytta talqylanýda», dedi ol korporasııanyń jumysyn BAQ ókilderine tanystyrý barysynda.
Onyń aıtýynsha, búgingi kúni elimizde memlekettik korporasııanyń 350 front-keńesi jáne 630-dan astam bek-keńsesi jumys isteıdi. Olarda 22 myńǵa jýyq qyzmetker bar. О́tken jyly memlekettik korporasııa 37 mıllıonnan astam qyzmet kórsetti, onyń 24,5 mıllıony elektrondy formatta.