Jastar jáne kásipodaq

Almatyda kásipodaqtar kúnine oraı, «Jastar kásipodaqty qoldaıdy» atty halyqaralyq birinshi forým bolyp ótti. Oǵan elimizdiń ár óńirinen kásipodaq uıymdary ókilderi qatysty. Forýmda – Qazaqstan Respýblıkasynyń Kásipodaqtar fed­e­ra­sııasynyń tóraǵasy Sııazbek Muqashev baıandama jasap, jastar – qoǵamnyń qozǵaýshy kúshi, ári belsendi múshesi ekendigin alǵa tartty. Sonymen qatar, Brıýssel qalasynan kelgen Halyqaralyq kásipodaqtar konfederasııasynyń keńesshisi Leppık Anton sóz aldy. Ol, álem jastarynyń beıbitshilik jolyndaǵy kúresin tilge tıek etti. Halyqaralyq jastar forýmynda jastardyń búgingi tańdaǵy keleli máseleleri keńinen tal­qy­lanyp, ony sheshýdiń joldary qarasty­ryl­dy. Jıynǵa qatysýshylar Qazaqstan Respýblıkasy Táýelsizdiginiń jıyrma jyldyǵy qurmetine respýblıkamyzdyń barlyq jastar uıymdaryn belsendilik pen iskerliktiń jáne qajyrlylyqtyń úlgisin kórsetýge shaqyrdy. Forým barysynda kásipodaqtardyń respýblı­ka­lyq «Kóshbasshy sherýi – 2011» baıqaýynyń je­ńim­pazdaryn saltanatty túrde marapattaý rásimi de boldy. Jasyl jelekti saıabaqqa kóshetter otyrǵyzylyp, Alataýdyń aıasyndaǵy «Dala jar­qyly» túngi festıvalin tamashalady. Baqyt BALǴARINA. Almaty.