Daryndy perzentterge dara qurmet

Qasıetti de kıeli, sheji­re­li Zaısannan qanat qaqqan óner adamda­ry, alaıda, aramyzdan erte máńgilik sa­par­ǵa attanyp ketken 80-nen astam talant­ty es­ke alyp, olar jaıly esse, oı-tol­ǵaý­la­ryn toptastyrǵan «Zaı­san­dy án-kúıi­men áldılegen» atty syıasy keppegen jańa jınaqty jerlesterine alyp kelgen almatylyq aqyn-jazýshylar, máde­nıet qaı­rat­kerleri Kókenaı Kamalıev, Qumarbek Sydyqov, Qazaqstan Jazýshylar odaǵynyń músheleri, Zaısan aýdanynyń qurmetti azamattary Zamanbek Ábdeshov, Ábethan Toqtaǵanov, ataqty ánshi, Qazaqstannyń eń­bek sińirgen qaıratkeri Dálel Ýásh, ánshi, ak­ter, kitapty baspaǵa ázirlegen Baýyrjan Qumarbekov, estelik jazǵan almatylyq Jámıla Qaıraqbaeva, Márııam Bapaeva, tarıhshy Jumahan Muhametjanov, kúıshi Tóken Aǵzamov, polısııa polkovnıgi Bolatbek Soltanov, taǵy basqalar aýdandaǵy saparyn Sa­ryterek, Qaratal, Daıyr, Qarabulaq aýyl­­­darynan bastady. Tórt aýylda da tur­ǵyn­­dar mol jınalyp, kitap avtorlarymen emen-jar­qyn áńgimelesti, kitaptyń týýyna ne sebep bolǵany jaıly saýaldar qoıdy, qaı­tys bolǵan talanttar jaıly este­likter aıt­­ty. Bastapqy úsh aýyldyń óner­paz­da­ry qonaqtardy án men kúıge sýsyndatty. Daı­yr aýylyndaǵy kezdesýde ájeler an­sam­­bliniń óneri, 14 jasar bıshi Nazerke Er­mekovanyń «Aqqý» bıi jınalǵandardy áser­ge bóledi. Osy aýylda bilim alyp, úl­ken ómir­ge qanat qaqqan aqyn, aýdarmashy, ha­­lyq­aralyq «Alash» syılyǵynyń ıe­geri Za­man­bek Ábdeshov, aqyn Ábethan Toq­ta­ǵanov óleńderin oqydy. Ánshi Dálel Ýásh Qara­bu­laq aýylyndaǵy kezdesýde ánnen shashý shash­ty. Oraz Kákeevtiń dosy, rejısser Kókenaı Ka­malıev, aqyn, Qumarbek Sydyqov ataqty ak­ter, kitapqa engen talanttar jaıly buryn es­timegen jaılardan habardar etti.

Kitaptyń tusaýkeseri, talantty ánshi Oraz Kákeevtiń 80 jyldyǵyna arnal­ǵan teatr festıvali aýdandyq má­de­nı­et úıin­de jalǵasty. Mádenı sharany uı­ym­­das­ty­rý­shy­lar  kádimgi Gollıvýd fılmderinen kórip júr­gendeı «qyzyl kilemdi» jaıyp qoıyp, alys­tan at terletip kelgen qonaqtardy, Oraz aǵanyń balasy Arystanbek Kákeev pen bala­laryn sonyń boıymen júrgizip, ishke en­gizdi. Aýdan ákimi Temirbek Qasymjanov sal­­tanatty rásimde sóz alyp, qurmetti qo­naq­­tardyń ıyǵyna shapan jaýyp, «Alǵys hat­pen» marapattady. Tusaýkeser rásiminde aýdannyń qurmetti azamattary, onnan astam shyǵarmalary jaryq kórgen, aýdanǵa syıly azamattar Beken Japarov pen Qalıbek Altybaevqa sóz berildi. Qalaǵań bul kitapta aty atalǵan óner, mádenıet qaıratkerleri jaı­ly kezinde ózi de jazǵanyn, al myna­daı aý­qymdy, jastarǵa tárbıe beretin shy­ǵar­ma­nyń salmaǵy basym ekenine toqtala ket­ti. Oraz aǵanyń ul, qyzy Arystanbek pen Gúl­jaz Kákeevter ákesiniń mereıtoıyn teatr fes­tıvalimen ulyqtaǵany úshin aýdan basshylyǵyna alǵysyn bildirdi. Teatr festıvali erteńinde máresine jetti. Bas júldeni Zaısan halyq teatry (rejısseri  «Mádenıet salasynyń úzdigi» Alma Súleımenova) jeńip aldy. Olar sah­nal­aǵan «Kenesary-Kúnimjan» spektakli aý­dannyń barlyq eldi mekenderinde qoı­ylyp, kórermender yqylasyna bólengen bo­latyn. Al birinshi oryndy Aqsýat ha­lyq teatry ıelendi. Aqsýattyq sahna she­ber­­leri Q.Jumabekovtiń «Adasqandar» at­ty spektaklin shynaıy beıneledi.

kinshi, úshinshi oryndardy ıelengen teatr ujym­dary da aýdandyq mádenıet jáne til­der­di damytý bóliminiń Alǵys hattarymen, b­a­ǵa­ly syılyqtarmen marapattaldy. Oraz Kákeevtiń uly, belgili ánshi Arystanbek Kákeev januıasy atynan alǵysyn bildirdi. Qos birdeı mádenı sharany uıym­das­tyr­ǵan aýdan ákimdiginiń ishki saıasat bóliminiń bas­shysy Zýmrad Dúısenbaevaǵa, aýdandyq má­denıet jáne tilderdi damytý bóliminiń bas­shysy Serikbol Sıyrbaevqa, ártister men ánshi­lerge jınalǵandar alǵysyn bildirdi.

Ońdasyn ELÝBAI, jýrnalıst

Shyǵys Qazaqstan oblysy, Zaısan aýdany