Ortalyq kommýnıkasııalar qyzmeti alańynda ótken baspasóz máslıhatynda Mańǵystaý oblysy ákiminiń orynbasary Maqsat Sqaqov mádenıet kúnderi 15-18 tamyzda ótetinin aıta kele, elordanyń Stýdentter saıabaǵynda, «Báıterek» monýmenti men qalalyq ákimdik ǵımaraty alańynda jáne «Jeruıyq» saıabaǵynda ártúrli konsertter men oıyn-saýyq baǵdarlamalary uıymdastyrylatynyn atap ótti.
15 tamyzda keshki saǵat 21:00-de EKSPO-2017 kórmesiniń amfıteatrynda «Qart Kaspııden sálem al, Erke Esil!» atty konsert ótedi. Oǵan Tamara Asar, Aıgúl Qosanova, Kámshat Joldybaeva, Ulyqpan Joldasov syndy Mańǵystaýdan shyqqan belgili ónerpazdar qatysyp, ónerimen shashý shashady.
Odan keıin 16 tamyz kúni «Shabyt» ǵımaratynda mańǵystaýlyq aqyn Esenǵalı Raýshanovtyń «Bizdiń eldiń jylqysy kil kókmoınaq» atty shyǵarmashylyq keshi ótedi. Keshte elimizdiń belgili aqyndary óleń oqyp, kópshilikti jyr álemine jetelemek.
Mańǵystaý óńirin zańǵar jazýshy Ábish Kekilbaev «ashyqaspan astyndaǵy mýzeı» dep tegin atamaǵan. Sondaı-aq, bul kıeli meken týraly Prezıdent Nursultan Nazarbaev «Mańǵystaý turǵyndaryna kóp adamdar ómirinde tym quryǵynda bir ret bolyp, kórýdi armandaıtyndaı jerde turý baqyty buıyrǵan», degeni bar. Endeshe, nebir tarıhı-mádenı eskertkishterimen talaılardy tamsandyrǵan órkendi óńirdiń tastan qashalyp, aǵashtan oıyp jasaǵan buıymdaryn astanalyqtar «Etnoaýyl» ulttyq-mádenı kesheninde 17 tamyz kúni ótetin etnografııalyq teatrlandyrylǵan sharalar kezinde tamashalaı alady. Onda mańǵystaýlyq jyr men kúı maqamy áýelep, qazaqtyń ulttyq salt-dástúri men ádet-ǵurpynan teatrlandyrylǵan qoıylym kórsetiledi. Aqsaqaldar men aqjaýlyqty ájeler bata berse, izetti kelinder men ıbaly qyzdar ulttyq taǵamdar ázirleıdi. Mańǵystaý oblystyq mádenıet basqarmasy basshysynyń mindetin atqarýshy Pánııa Sarmýrzınanyń aıtýynsha, «etnoaýylda» tórt qazan palaý pisirilip, jurtshylyqqa úlestirilmek.
Jalpy, Mańǵystaý óńiri shubatymen, balqaımaǵymen áıgili ekeni belgili. Osy ulttyq taǵamdy dáripteýge úlken úles qosyp júrgen oblystyq máslıhattyń depýtaty Sáýle Jaqaeva bas bolyp, EKSPO aıasyndaǵy mádenıet kúnderine bal tatyǵan shubat pen Jańaózenniń sút ónimderi zaýytynyń tátti ónimderi ákelinipti. Elordalyqtar bul taǵamdardan dám tatyp, satyp alýǵa múmkindigi bolady. Sondaı-aq, «etnoaýyl» alańynda «О́rnek» jáne «Tárbıe» sán úıleriniń ulttyq kostıýmder kórsetilimi uıymdastyrylady. Odan keıin Tamara Asar men «Jorǵa» bı ansambliniń konserttik baǵdarlamasy kópshilikke usynylady.
Buǵan qosa, 18 tamyz kúni Ábish Kekilbaevtyń «Shyńyraý» spektakli qoıylmaq. Spektakl M.Gorkıı atyndaǵy memlekettik akademııalyq orys drama teatrynda saǵat 16:00-de bastalady. Oblystyń mádenıet kúnderi aıasynda sonymen birge, kókpardan, jasóspirimder arasynda qazaq kúresinen, toǵyzqumalaqtan saıystar ótedi. «Qazanat» ıppodromynda kókpardan Qazaqstan ulttyq quramasy men «Adaı» komandasy synǵa túsedi. Qyz qýý, teńge ilý, asyq atýdan saıystar uıymdastyrylady.
Al 18 tamyzda «Qazaqstan» sport kesheninde «Uly dala qyrandary» jobasy aıasynda aralas jekpe-jekten (M1 jáne K1) jarystar ótedi. Jarysqa alty memleketten, atap aıtqanda, Qazaqstan, Ýkraına, Latvııa, О́zbekstan, Polsha, Horvatııadan sportshylar qatysqaly otyr. Qazaqstannan jekpe-jekke Mańǵystaý, Astana, Pavlodar, Aqtóbe, Atyraý qalalarynyń kil myqtylary shyǵady», deıdi Mańǵystaý oblysynyń dene shynyqtyrý jáne sport basqarmasynyń basshysy Bekbolat Baıjanov.
Jalpy, Mańǵystaý oblysynyń Astanadaǵy mádenıet kúnderine barlyǵy 600-ge jýyq ónerpaz qatyssa, onyń 20-sy qolóner sheberi, 233-i kásibı ujymdar men ártister bolsa, 120-sy etnomádenı birlestikterdiń ónerpazdary eken.
Qymbat TOQTAMURAT, «Egemen Qazaqstan»