«Bizdiń ortalyqqa «Dıý soleı» artısteriniń ózderi habarlasyp, búldirshindermen júzdesip, olarǵa jaqsy kóńil-kúı syılaǵylary keletinin jetkizdi. Amerıkalyq azamattar óte ashyq-jarqyn eken. Balalarmen birden til tabysyp ketti. Biz «dıýsoleıliktermen» oıyndy úsh topqa bóldik. Qonaqtar alǵashqy kúni 5 jasqa deıingi búldirshinderdi qamtyǵan birinshi toppen kezdesti. Balalar artıstermen oınap, máre-sáre bolysty. Búgin 5-10 jas aralyǵynda ekinshi toppen kezdesedi. Bul kúnniń baǵdarlamasy basqashalaý. Balalar shet tilin túsinbese de kezdesýdi óte kóńildi ótkizýde, deıdi qoǵamdyq qor quryltaıshlarynyń biri Davıd Týganov.
Aýlaǵa ene salyp, balalardy baýyryna tartyp, ystyq iltıpattaryn bildirip jatqan sırk ónerpazdarymen sóıleskenimizde, kalıfornııalyq Kelfı Shıýmen óziniń sırkte bıleıtinin, Qazaqstanǵa tuńǵysh ret kelgenin aıtsa, gavaılyq Kessedı Braıt «dıýsoleılikterdiń» naýqas balalarmen jıi kezdesý uıymdastyryp turatynyn jetkizdi. Aıta ketken abzal, «Solnechnyı mır» qoǵamdyq birlestiginiń músheleri amerıkalyq meımandarǵa dastarhan jaıyp, ulttyq as mázirinen dám tatqyzdy. Sheteldik sırk ónerpazdary baýyrsaqtyń dámi erekshe unaǵanyn aıtady. Olardyń Astanaǵa, qazaq eline degen qyzyǵýshylyǵy erekshe. Ár nárseni suraıdy. Soǵan oraı belsendi ata-analardyń biri Ásııa Tekeeva amerıkalyq artısterdi balalarmen birge qalanyń shetindegi úıine qonaqqa shaqyryp, ulttyq as mázirimen tanystyrmaq nıette.
Dýman ANASh,
«Egemen Qazaqstan»