Qaroı-sheıitsaı – egiz uǵym

Isataı men Mahambet babamyzdyń məńgilik jaı tapqan mekenine barǵan saparymyz − ótkenimizdi umytpaı, bolashaqtyń besiginde batyrlarymyzdyń rýhyn terbetý­diń basty kórinisi dep esepteımin.

Inder aýdanynyń Qaraoı jazyǵynda Mahambet batyr men Malaısary bı jatqany barshaǵa belgili. Ekspedısııa múshelerin Inder aýdanynyń əkimi Serik Arystan qarsy alyp, tarıhı-mədenı muralarymyzdyń res­pýblıka kólemindegi alatyn orny, mańyz­dy­ly­ǵyna keńirek toqtaldy.Tarıh­tyń qoı­­­naýynan syr shertetin Jəńgir han, Isa­taı men Mahambettiń arasynda órbi­gen oqı­ǵa­lar­dy qoıylym arqyly aýdan óner­paz­dary kór­setti.

Batys Qazaqstan oblysy, Aqjaıyq aýda­ny­nyń murajaıy tarıhı məni bar eksponattarmen qamtylǵan, mədenı muramyzdy aıshyqtaıtyn ordaly otaý ekenin uǵyndyq. Syrym aýdanynda Alash qaıratkerleriniń músinderi menmundalap tur. Elim dep eńirep ótken erlerimizdiń esimi Alash saıabaǵynyń tórinde altyn zerli jazýmen jarq etip turǵany kóńilge qýanysh syılaıdy. Halyq jazýshysy, kórnekti aqyn Qadyr Myrza Əliniń eskertkishin qoıyp, ədebıettiń altyn dəýirin jasaǵan qalamgerdi əspettegen jurtshylyqqa alǵys bildirý qajet.

Aqtóbe oblysy, Qobda aýdanynyń ty­nys-tirshiligimen tanysa kele, mədenı mu­ra­myz­dyń məıegi ekenin aıtqym keledi. Isataı babamyzdyń kesenesi Sheıitsaı mekeninde ornalasqan. Ataqty Mıhaıl Gerasımovtiń shəkirti, antropolog-ǵalym Noel Jumabaıuly Shaıahmetov zertteý jumystaryn júrgizgende, súıekti ashýǵa atsalysqan qarııa Jaýǵashty Jumaǵalıevpen, «Isataı» qoǵamdyq qo­rynyń prezıdenti, ısataıtanýshy Erkin Qurmanbekovpen júzdestik. Qobda aýdanynyń əkimdigi Isataı babamyzdyń kesenesine jol salý jóninde smetalyq qujattary daıyndalyp jatqanyn jetkizdi. Aýdanda 320 oryndyq bilim berý nysanyna Isataı babamyzdyń esimi berilip, bı­ik­tigi 11 metrdi quraıtyn babamyzdyń es­ker­t­kishi qazan aıynda ashylatyndyǵy jónin­degi jaǵymdy jańalyqtan habardar boldyq.

Ekspedısııanyń basty maqsaty – Isataı men Mahambet babalarymyzdyń rýhyn jańǵyrtý, bahadúr batyrlarymyz bastaǵan kóterilis jóninde tyń derekterdi jınaqtaý edi. Maqsat oryndaldy.

Ádilbek О́MIRZAQOV, «Qaroı – Sheıitsaı – Qaroı» ekspedısııasynyń múshesi